ଡେସ୍କ: ସିକ୍କିମରେ ଆଗାମୀ ବିଧାନସଭା ନିର୍ବାଚନ ପାଇଁ ବିଜେପି ଆଜି ୯ ଜଣିଆ ଦ୍ୱିତୀୟ ପ୍ରାର୍ଥୀ ତାଲିକା ଜାରି କରିଛି। ସୂଚନା ଅନୁଯାୟୀ, ପେମା ୱାଙ୍ଗଜାଲ ରିନିଙ୍ଗ ଗ୍ୟାଙ୍ଗଟକରୁ ଏବଂ ଅରୁଣା ମୁଙ୍ଗେର ନାମଚି-ସିଂଘିଥାଙ୍ଗ ଆସନରୁ ପ୍ରାର୍ଥୀ ହେବେ। ସେହିପରି ଗୁଜରାଟ, ହିମାଚଳ ପ୍ରଦେଶ, କର୍ଣ୍ଣାଟକ ଏବଂ ପଶ୍ଚିମବଙ୍ଗ ବିଧାନସଭା ଉପନିର୍ବାଚନ ପାଇଁ ବିଜେପି ୧୪ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି।
ଗୁଜୁରାଟର ବିଜାପୁରରୁ ଚତୁର୍ସିଂହ ଚାୱଡ଼ା ଓ ପୋରବନ୍ଦରରୁ ଅର୍ଜୁନ ମୋଧବାଡିଆଙ୍କୁ ପ୍ରାର୍ଥୀ କରାଯାଇଛି। ହିମାଚଳ ପ୍ରଦେଶରେ ରବି ଠାକୁରଙ୍କୁ ଲାହୋଲ ଏବଂ ସ୍ପିତିରୁ ପ୍ରାର୍ଥୀ କରାଯାଇଥିବା ବେଳେ ରାଜେନ୍ଦ୍ର ରାଣା ସୁଜାନପୁରରୁ ପ୍ରାର୍ଥୀ ହେବେ। କର୍ଣ୍ଣାଟକର ସୋରପୁରରେ ନରସିଂହ ନାୟକ (ରାଜୁଗୌଡା) ଦଳୀୟ ପ୍ରାର୍ଥୀ ହେବେ। ପଶ୍ଚିମବଙ୍ଗର ଭଗୱାଙ୍ଗୋଲାରୁ ଭାସ୍କର ସରକାର ଓ ବରନଗରରୁ ସଜଲ ଘୋଷ ପ୍ରାର୍ଥୀ ହୋଇଛନ୍ତି।
Comments are closed.