ଗଞ୍ଜାମ: ଗଞ୍ଜାମ ବ୍ଲକ ଅନ୍ତର୍ଗତ ହୁମା ସ୍ଥିତ ମା’ପାଦୁକାଇ ମନ୍ଦିର ପରିସରରେ ବିଜୁ ଜନତା ଦଳ ପକ୍ଷରୁ ଜୀବନବିନ୍ଦୁ କାର୍ୟ୍ୟକ୍ରମ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ପୂର୍ବତନ ବ୍ଲକ ଅଧ୍ୟକ୍ଷ ସୁରଥ ପାହାନଙ୍କ ସଭାପତିତ୍ୱରେ ଏହି ବୈଠକରେ ମୁଖ୍ୟ ଅତିଥି ଭାବେ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା ଯୋଗଦେଇ କାର୍ୟ୍ୟକ୍ରମର ଆଭିମୁଖ୍ୟ ସମ୍ପର୍କରେ କହିଥିଲେ । ଆଗାମୀ ୭ ନଭେମ୍ବରରେ ମଲାଡ଼ ପଂଚାୟତ ଅନ୍ତର୍ଗତ ଲୁଂଘିରୀ ଗ୍ରାମର ବାତ୍ୟା ଆଶ୍ରୟ ସ୍ଥଳୀରେ ରକ୍ତଦାନ ଶିବିର କରିବା ପାଇଁ ନିଷ୍ପତି ହୋଇଥିଲା । ଏହି ବୈଠକରେ ପୂର୍ବତନ ବ୍ଲକ ଅଧକ୍ଷ ରଘୁନାଥ ସାହୁ, ସରପଞ୍ଚ ଚନ୍ଦ୍ର ମୋହନ ସାହୁ, ଶ୍ୟାମା ରେଡି, ଡ଼ି ନିରଂଜନ ରେଡି, ପ୍ରଭାତ ସେଟି, ସଦାଶିବ ଦାଶ, ସମିତି ସଭ୍ୟ ଛାୟା କାନ୍ତ ପ୍ରଧାନ, ଜିଲ୍ଲା ବିଜୁ ଛାତ୍ର ଉପ ସଭାପତି ସାନୁ ମହାପାତ୍ର, ବ୍ଲକ ଛାତ୍ର ସଭାପତି ଯୋଗେନ୍ଦ୍ର ରେଡି, ଯୁବ ନେତା ରଂଜିତ ପଲାଇଙ୍କ ସମେତ ଅନ୍ୟମାନେ ଯୋଗ ଦେଇଥିଲେ।
Comments are closed.