ଭୋପାଳ : ବିଶ୍ୱର ସବୁଠାରୁ ଭୟାବହ ଶିଳ୍ପ ଦୁର୍ଘଟଣା ଭାବେ ବିବେଚନା କରାଯାଉଥିବା ଭୋପାଳ ଗ୍ୟାସ୍ ଦୁର୍ଘଟଣାର ୩୪ତମ ବାର୍ଷିକୀ ଆଜି ପାଳନ କରାଯାଉଛି । ଏହି ଉପଲକ୍ଷେ ସ୍ଥାନୀୟ କେନ୍ଦ୍ରୀୟ ପାଠାଗାରର ବର୍କତୁଲା ଭବନରେ ଏକ ପାର୍ଥନାସଭା ଅନୁଷ୍ଠିତ ହୋଇଯାଇଛି।
ରାଜ୍ୟପାଳ ଆନନ୍ଦିବେନ୍ ପଟେଲ ମୃତକମାନଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିବା ସଙ୍ଗେ ସଙ୍ଗେ ଏହି ଦୁର୍ଘଟଣାରେ ମାନସିକ ଓ ଶାରିରୀକ ଭାବେ କ୍ଷତିଗ୍ରସ୍ତ ବ୍ୟକ୍ତିମାନଙ୍କର ଆରୋଗ୍ୟ ପାଇଁ ପ୍ରାର୍ଥନା କରିଥିଲେ। ଶ୍ରୀମତୀ ପଟେଲ କହିଛନ୍ତି ଭୋପାଳ ଗ୍ୟାସ୍ ଦୁର୍ଘଟଣା ବିଶ୍ୱର ସବୁଦେଶକୁ ଆଲୋଡିତ କରିଥିଲା ଏବଂ ପରିବେଶ ଓ ଶିଳ୍ପ ନିରାପତ୍ତା ପାଇଁ ଦୃଷ୍ଟି ଆକର୍ଷଣ କରିଥିଲା। ଭୋପାଳ ଗ୍ୟାସ୍ ଦୁର୍ଘଟଣାକୁ ବିଶ୍ୱର ସବୁଠାରୁ ଭୟଙ୍କର ଶିଳ୍ପ ଦୁର୍ଘଟଣା ବୋଲି କୁହାଯାଉଛି। ୧୯୮୪ ମସିହା ଡିସେମ୍ବର ୨ ଓ ୩ ତାରିଖ ମଧ୍ୟରାତ୍ରିରେ ୟନିୟନ କାର୍ବାଇଡ୍ କମ୍ପାନୀର କୀଟନାଶକ ଔଷଧ ତିଆରି କାରଖାନାରୁ ବିଷାକ୍ତ ମିଥାଇଲ ଆଇସୋସାଇନେଟ୍ ବାଷ୍ପ ନିର୍ଗତ ହେବାରୁ ୧୫ ହଜାରରୁ ଊର୍ଦ୍ଧ୍ବ ଲୋକଙ୍କର ମୃତ୍ୟୁ ଘଟିଥିଲା। ପାଞ୍ଚ ଲକ୍ଷରୁ ଊର୍ଦ୍ଧ୍ବ ଲୋକ କ୍ଷତିଗ୍ରସ୍ତ ହୋଇଥିଲେ। କ୍ଷତିଗ୍ରସ୍ତମାନେ ଉପଯୁକ୍ତ ଚିକିତ୍ସା ଓ କ୍ଷତିପୂରଣ ତଥା ଥଇଥାନ ପାଇଁ ଦାବି କରି ଆସୁଛନ୍ତି।
ଭୋପାଳ ଗ୍ୟାସ୍ ଦୁର୍ଘଟଣାକୁ ପୂରିଲା ୩୪ ବର୍ଷ
Popular Categories
Previous article
Next article