ବେଗୁନିଆ : ଥାନାରେ ଥିବା ଜବତ ବାଣ ଓ ମଦ ଚୋରା ଚାଲାଣ ଘଟଣା ପରେ ବେଗୁନିଆ ଥାନା ଅଧିକାରୀ ବିଶ୍ବଜିତ ରାଉତରାୟଙ୍କର ବଦଳି କରାଯାଇଛି। ଖୋର୍ଦ୍ଧା ଏସପି ସିଦ୍ଧାର୍ଥ କଟାରିଆଙ୍କ ନିର୍ଦେଶ ଅନୁଯାୟୀ ତାଙ୍କୁ ଜିଲା ପୁଲିସ ମୁଖ୍ୟ କାର୍ଯ୍ୟାଳୟକୁ ବଦଳି କରାଯାଇଛି। ବେଗୁନିଆ ଥାନାକୁ ବୋଲଗଡ ଥାନା ଅଧିକାରୀ ଜ୍ୟୋତି ପ୍ରକାଶ ପଣ୍ଡାଙ୍କୁ ବଦଳି କରାଯାଇଥିବାବେଳେ ବୋଲଗଡ ଥାନାକୁ ଖୋର୍ଦ୍ଧା ଥାନାର ସିଦ୍ଧାମୟୀ ବରାଡଙ୍କୁ ବଦଳି କରାଯାଇଛି।
ସୂଚନାଯୋଗ୍ୟ, ଶନିବାର ବିଳମ୍ବିତ ରାତ୍ରିରେ ବେଗୁନିଆ ଥାନାର ପଛ ଗେଟ ଦେଇ କିଛି ପୁଲିସ କର୍ମଚାରୀ ଜବତ ବାଣ ଓ ମଦକୁ ଚୋରା ଚାଲଣ କରୁଥିବା ବେଳେ ଗ୍ରାମବାସୀ ଧରିଥିଲେ। ଚୋରା ଚାଲାଣରେ ସାମିଲ ଥିବା ଡ୍ରାଇଭର ତଥା ହୋମଗାର୍ଡ ପ୍ରକାଶ ମୁଦୁଲିକୁ ଗତକାଲି କୋର୍ଟ ଚାଲାଣ କରାଯାଇଥିଲା। ଆଜି ଥାନା ଅଧିକାରୀଙ୍କର ବଦଳି କରାଯାଇଛି।
ବଦଳିଲେ ବେଗୁନିଆ ଥାନା ଅଧିକାରୀ
Popular Categories
Previous article
Next article