ଭୁବନେଶ୍ୱର : ମହିଳା ଓ ଯୁବତୀ ମାନଙ୍କର ଋତୁସ୍ରାବ ସଂକ୍ରାନ୍ତିୟ ଅନ୍ଧବିଶ୍ୱାସକୁ ଦୂର କରିବା, ପରିଷ୍କାର ଓ ପରିଚ୍ଛନ୍ନତାକୁ ଅଧିକ ପ୍ରାଧାନ୍ୟ ଦେବାକୁ ଲକ୍ଷ୍ୟ ରଖାଯାଇଛି। ଏହି ପରିପ୍ରେକ୍ଷୀରେ ସ୍ବେଚ୍ଛାସେବୀ ସଂଗଠନ ଆକ୍ସନ୍ଏଡ୍, ହେୱଲେଟ୍ ଫାଉଣ୍ଡେସନ ଓ ସିସିଡବ୍ଲୁଡିର ମିଳିତ ପ୍ରୟାସରେ ସହରାଞ୍ଚଳର ବସ୍ତି ଅଞ୍ଚଳରେ ବସବାସ କରୁଥିବା ମହିଳା ଓ ଯୁବତୀମାନଙ୍କୁ ସମ୍ମାନଜନକ ଭାବେ ବଞ୍ଚିବା ପାଇଁ ୧୩ ଗୋଟି ବସ୍ତିରେ ୩୩୦ ଗୋଟି ଡିଗିନିଟି କିଟ୍ ବିତରଣ କରାଯାଇଛି। ଉକ୍ତ କିଟ୍ରେ ସାନିଟାରୀ ନାପ୍କିନ୍, ସାବୁନ୍ ଓ ସାନିଟାଇଜର ରହିଛି। ବିଶେଷ କରି ସାନିଟାରୀ ନାପ୍କିନର ବ୍ୟବହାର, ସାବୁନରେ ହାତ ଧୋଇବା ଅଭ୍ୟାସ ଉପରେ ସଚେତନତା କରାଯାଇଛି। ସାମାଜିକ ଦୂରତା ଓ ମାସ୍କ ବ୍ୟବହାରକୁ ଗୁରୁତ୍ୱ ପ୍ରଦାନ କରାଯାଇ ଏହା ବିତରଣ କରାଯାଇଥିଲା। ଏଥିରେ ଆକ୍ସନ୍ଏଡ୍ର ଲୋପାମୁଦ୍ରା ବେହେରା, ସୁଦେଷ୍ଣା ମିଶ୍ର, ସିସିଡବ୍ଲୁଡିର ସଂପାଦକ ସଦାଶିବ ସ୍ୱାଇଁଙ୍କ ସମେତ ଭୁବନେଶ୍ୱର ୟଙ୍ଗ୍ ଅର୍ବାନ୍ ୱମେନ୍ ଫୋରମର ପ୍ରତିନିଧିମାନେ ଉପସ୍ଥିତ ଥିଲେ।
Popular Categories
Previous article
Next article