ଲସ୍ ଆଞ୍ଜେଲ୍ସ : ସାମାଜିକ ନ୍ୟାୟ ପ୍ରତିଷ୍ଠା ପାଇଁ କାର୍ଯ୍ୟ କରୁଥିବା ବିଭିନ୍ନ ସ୍ବେଚ୍ଛାସେବୀ ସଂଗଠନକୁ ଆସନ୍ତା ୧୦ ବର୍ଷ ମଧ୍ୟରେ ୧୦୦ ନିୟୁତ ଡଲାର ଅର୍ଥ ଦାନ କରିବେ ମହାନ୍ ବାସ୍କେଟବଲ୍ ଖେଳାଳି ମାଇକେଲ୍ ଜୋର୍ଡାନ୍।
ବର୍ଣ୍ଣ ବୈଷ୍ୟମବାଦ ବିପକ୍ଷରେ ଲଢ଼ିବା ସହ ସାମାଜିକ ନ୍ୟାୟ ପ୍ରତିଷ୍ଠା ପାଇଁ କାର୍ଯ୍ୟ କରୁଥିବା ସ୍ବେଚ୍ଛାସେବୀ ସଂଗଠନମାନଙ୍କୁ ଆର୍ଥିକ ଦୃଷ୍ଟିରୁ ଶକ୍ତିଶାଳୀ କରିବାକୁ ସେ ଏପରି ନିଷ୍ପତ୍ତି ନେଇଥିବା ଜୋର୍ଡାନ୍ ଗଣମାଧ୍ୟମକୁ ସୂଚନା ଦେଇଛନ୍ତି। ସୂଚନାଥାଉକି ଗତ ମେ ୨୫ରେ ଆମେରିକାର କେତେକ ପୁଲିସ ଅଧିକାରୀ ଜର୍ଜ ଫ୍ଲଏଡ୍ ନାମଜ ଜଣେ କଳା ଲୋକଙ୍କୁ ମାଡ଼ ମାରି ହତ୍ୟା କରିଥିବା ନେଇ ଅଭିଯୋଗ ହେବା ପରେ ବର୍ତ୍ତମାନ ସେଠାରେ ବର୍ଣ୍ଣ ବୈଷମ୍ୟବାଦ ବିପକ୍ଷରେ ଜୋରଦାର୍ ବିକ୍ଷୋଭ ଚାଲିଛି। ଆମେରିକାର ୫୦ଟି ରାଜ୍ୟରେ ବିକ୍ଷୋଭ ଜାରି ରହିଥିବାରୁ ସ୍ବେଚ୍ଛାସେବୀ ସଂଗଠନକୁ ଅାର୍ଥିକ ସହାୟତା ପ୍ରଦାନ କରିବାକୁ ଜୋର୍ଡାନ୍ ଓ ତାଙ୍କ ଭାଇ ନିଷ୍ପତ୍ତି ନେଇଛନ୍ତି। ବର୍ଣ୍ଣ ବୈଷ୍ୟମବାଦ ବର୍ତ୍ତମାନ ସୁଦ୍ଧା ତିଷ୍ଠି ରହିବା ଦୁର୍ଭାଗ୍ୟଜନକ ବିଷୟ ବୋଲି ଜୋର୍ଡାନ୍ ମତ ଦେଇଛନ୍ତି। ବର୍ଣ୍ଣ ବୈଷମ୍ୟବାଦ ହଟିବା ସହ ସାମାଜିକ ନ୍ୟାୟ ପ୍ରତିଷ୍ଠା ହେବା ଆବଶ୍ୟକ ବୋଲି ଜୋର୍ଡାନ୍ କହିଛନ୍ତି।
୧୦୦ ନିୟୁତ ଡଲାର ଦାନ କରିବେ ମାଇକେଲ୍ ଜୋର୍ଡାନ୍
Popular Categories
Previous article
Next article