ବାରିପଦା : ଗତ ରାତିରେ ପ୍ରବଳ ବର୍ଷା ସହ ପବନ ଯୋଗୁଁ ଆଜି ଭୋର ୪ ଟା ୧୦ ସମୟରେ ବାରିପଦା ରେଳ ଷ୍ଟେସନ ନିକଟ ରେଳ ଧାରଣା ଉପରେ ଏକ ବିରାଟ ଗଛ ଭାଙ୍ଗି ପଡିବା ଯୋଗୁଁ ରେଳ ଚଳାଚଳ ଦୀର୍ଘ ୪ ଘଣ୍ଟା ଧରି ବାଧା ପ୍ରାପ୍ତ ହୋଇଥିଲା । ଭାଙ୍ଗି ଥିବା ଗଛ ରେଳ ଚଳାଚଳ ପାଇଁ ଥିବା ବିଦ୍ୟୁତ ତାରକୁ ଛିଣ୍ଡାଇ ଥିବାରୁ ରେଳ ଚଳାଚଳ ହୋଇ ପାରି ନ ଥିଲା । ରେଳ ଧାରଣା ଉପରେ ପଡିଥିବା ଗଛକୁ କାଟି ସଫା କରାଯିବା ସହିତ ଛିଣ୍ଡି ଥିବା ବିଦ୍ୟୁତ ତାରକୁ ସଂଯୋଗ କରାଯିବା ପାଇଁ ଚାରି ଘଣ୍ଟା ସମୟ ଲାଗିଥିଲା । ଫଳରେ ବାଙ୍ଗିରିପୋଷି ଭୁବନେଶ୍ବର ସୁପର ଫାଷ୍ଟ ଟ୍ରେନ (ନମ୍ବର୧୨୮୯୧)ଟି ବାଙ୍ଗିରିପୋଷି ଠାରୁ ଭୋର ୪ ଟା୨୦ ସମୟ ପରିବର୍ତ୍ତେ ୪ ଘଣ୍ଟା ବିଳମ୍ବ ଅର୍ଥାତ ପୂର୍ବାହ୍ନ ୮ଟା୨୭ ସମୟରେ ଛାଡି ଥିଲା । ବାରିପଦା ଦେଇ ଭୋର ୫.୧୫ ପରିବର୍ତ୍ତେ ପୂର୍ବାହ୍ନ ୯ ଟା୨୨ ସମୟରେ ଯାଇଥିଲା ।
Popular Categories
Previous article
Next article