ବାରବାଟୀ ଦିନିକିଆ: ଟସ୍‌ ଜିତିବା ପରେ ଇଂଲଣ୍ଡର ବ୍ୟାଟିଂ ଜାରି

ସମାଜ ଡିଜିଟାଲ ଡେସ୍କ: ବାରବାଟୀରେ ଚାଲିଥିବା ୨ୟ ଦିନିକିଆ ମ୍ୟାଚରେ ଭ୍ରମଣକାରୀ ଦଳ ଇଂଲଣ୍ଡ ଟସ୍‌ ଜିତିବା ପରେ ବ୍ୟାଟିଂ ଜାରି ରଖିଛି। ଦଳ ୩୦ ଓଭର ଖେଳ ଶେଷ ସୁଦ୍ଧା ୩ ଉଇକେଟ ବିନିମୟରେ ୧୬୮ ରନ୍‌ ସଂଗ୍ରହ କରିବା ସହିତ ଭଲ ସ୍ଥିତିରେ ରହିଛି।

ଟସ୍‌ ଜିତିବା ପରେ ଇଂଲଣ୍ଡ ବ୍ୟାଟିଂ ନିଷ୍ପତ୍ତି ନେଇଥିଲା। ଓପନର ଫିଲ୍‌ ସଲ୍ଟ ଏବଂ ବେନ୍‌ ଡକେଟ ଭଲ ପ୍ରାରମ୍ଭ କରିଥିଲେ। ପ୍ରଥମ ଉଇକେଟ ଯୋଡ଼ିରେ ଉଭୟେ ୮୧ ରନ ସଂଗ୍ରହ କରିଥିଲେ। ୧୧ ତମ ଓଭର ବୋଲିଂ କରୁଥିବା ବରୁଣ ଚକ୍ରବର୍ତ୍ତୀଙ୍କ ୫ମ ବଲରେ ସେ ଆଉଟ ହେବା ସହିତ ଭାରତକୁ ପ୍ରଥମ ସଫଳତା ମିଳିଥିଲା। ପରେ ଡକେଟ ଏବଂ ଜୋ ରୁଟ୍ ଦଳର ସ୍କୋର ଆଗେଇ ନେଇଥିଲେ। ଦଳର ସ୍କୋର ୧୦୨ ହୋଇଥିବାବେଳେ ୧୬ ତମ ଓଭରରେ ରବୀନ୍ଦ୍ର ଜାଡେଜାଙ୍କ ଦ୍ବାରା ଡକେଟ୍‌(୬୫ରନ) ଆଉଟ ହୋଇ ପ୍ୟାଭିଲିଅନ ଫେରିଥିଲେ। ଏହା ପରେ ରୁଟ୍‌ ଏବଂ ହ୍ୟାରି ବ୍ରୁକ ୬୬ ରନର ପାର୍ଟନରଶିପ କରିଥିବାବେଳେ ୧୬୮ରେ ଦଳର ୩ୟ ଉଇକେଟର ପତନ ଘଟିଥିଲା। ଜୋ ରୁଟ୍‌ ୩୫ ଏବଂ ଜସ୍‌ ବଟଲର ୧ ରନ କରି ଅପରାଜିତ ରହିଛନ୍ତି। ଭାରତୀୟ ବୋଲର ହର୍ଶିତ ରାଣା, ବରୁଣ ଚକ୍ରବର୍ତ୍ତୀ ଏବଂ ଜାଡେଜା ଗୋଟିଏ ଲେଖାଏ ସଫଳତା ହାସଲ କରିଛନ୍ତି।