ବାଙ୍କୀ: ବନ ମହୋତ୍ସବ ପାଳନ ଅବସରରେ ବାଙ୍କୀ ବ୍ଲକ ଶିକ୍ଷା ଅଧିକାରୀ କାର୍ଯ୍ୟାଳୟ ଅଧିନ ନୋଟାରୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବିଦ୍ୟାଳୟ ପକ୍ଷରୁ ବନ ମହୋତ୍ସବ ପାଳିତ ହୋଇଯାଇଛି । ପ୍ରଧାନଶିକ୍ଷକ ପ୍ରେମାନନ୍ଦ ବେହେରାଙ୍କ ସଂଚାଳନରେ ଅନୁଷ୍ଠିତ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ସ୍ଥାନୀୟ ଫରେଷ୍ଟର ଗଦାଧର ବିଶ୍ୱାଳ, ବନ କର୍ମଚାରୀ ତାରେଶ୍ୱର ରାଉତରାୟ, ପରିବେଶବିତ୍ ତଥା ସମାଜସେବୀ ପ୍ରସନ୍ନ କୁମାର ରାଉତରାୟ ଓ ତାରେଶ୍ୱର ପରିଡାଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଯୋଗଦେଇ ବିଦ୍ୟାଳୟ ପରିସରରେ ବୃକ୍ଷରୋପଣ କରିଛନ୍ତି । ଏହି ଅବସରରେ ବିଦ୍ୟାର୍ଥୀ ମାନଙ୍କୁ ପରିବେଶ ସୁରକ୍ଷା, ବୃକ୍ଷ ରୋପଣ ଏବଂ ବନମହୋତ୍ସବ ପାଳନର ଆଭିମୁଖ୍ୟ ସମ୍ପର୍କରେ ଆଲୋକପାତ କରିବା ପାଇଁ ଏକ ସଭା ଅନୁଷ୍ଠିତ ହୋଇଥିଲା । ସହକାରୀ ଶିକ୍ଷକ ରବୀନ୍ଦ୍ର କୁମାର ରଣା, ଫକୀର ଚରଣ ବେହେରା ଓ ଶ୍ୟାମାମଣୀ ସାମନ୍ତରାୟ ପ୍ରମୁଖ ଉପସ୍ଥିତ ଥିଲେ । ବିଦ୍ୟାଳୟ ପରିସରରେ କରଞ୍ଜ, ବାହାଡା, କାଠ ବାଦାମ, ରାଧାଚୂଡା, ଲିମ୍ବ, ଜାମୁ, ଅମୃତଭଣ୍ଡା ଆଦି ବିବିଧ ପ୍ରକାର ଚାରା ରୋପଣ କରାଯାଇଥିବା ସମ୍ପର୍କରେ ପ୍ରଧାନଶିକ୍ଷକ ସୂଚନା ଦେଇଛନ୍ତି ।
Popular Categories
Previous article
Next article