ବାଲିଗୁଡ଼ା: କନ୍ଧମାଳ ଜିଲାର ବାଲିଗୁଡା ପୁଲିସକୁ ପୁଣି ମିଳିଛି ସଫଳତା। ଆଜି ବାଲିଗୁଡ଼ା ପୁଲିସ ୪୧ କିଲୋ ୩୦୦ ଗ୍ରାମ ଗଞ୍ଜେଇ ସହ ଏକ କାର ଜବତ କରିଛି। ଏହି ମାମଲାରେ ଅଭିଯୁକ୍ତଙ୍କୁ ପୁଲିସ ଗିରଫ କରିଥିବା ସୂଚନା ମିଳିଛି।
ମିଳିଥିବା ସୂଚନା ଅନୁଯାୟୀ ବାଲିଗୁଡା ଓ ବାରଖମା ରାସ୍ତା ଅଞ୍ଚଳରେ ଭୋର ୪.୩୦ ମିନିଟରେ ବାଲିଗୁଡ଼ା ପୁଲିସ ପାଟ୍ରୋଲିଂ କରୁଥିଲା। ସେହି ସମୟରେ ଆପରାନାଳ ନିକଟରେ ଏକ କାରକୁ ଅଟକାଇଥିଲା ଏବଂ କାରଟିକୁ ଯାଞ୍ଚ କରିଥିଲା। ଯାଞ୍ଚ ସମୟରେ କାରରୁ ୪୧ କିଲୋ ୩୦୦ ଗ୍ରାମ ଗଞ୍ଜେଇ ଜବତ କରିଥିଲା ଏବଂ ଏହି ମାମଲାରେ ୩ଜଣଙ୍କୁ ଗିରଫ କରିଥିଲା।
ବାଲିଗୁଡା ଥାନା ବାରଖମା ରାସ୍ତାର ଆପରାନାଳ ଠାରେ ଏସ୍ଆଇ ରବୀନ୍ଦ୍ର ମୁଣ୍ଡାରୀଙ୍କ ନେତୃତ୍ବରେ ପୁଲିସ ପାଟ୍ରୋଲିଂ କରୁଥିଲା।
ଏହି ସମୟରେ ସେହି ରାସ୍ତା ଦେଇ ଏକ ଧଳା ରଙ୍ଗର କାର(ନଂ.ଓଡି୦୨ଏଏ-୪୧୨୨) ଆସୁଥିଲା। ଏସ୍ଆଇ ରବୀନ୍ଦ୍ର ମୁଣ୍ଡାରୀ କାର୍ଟିକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟରେ ସେହି କାର୍ରେ ଗଞ୍ଜେଇ ଭର୍ତ୍ତି ହୋଇ ରହିଥିବା ଦେଖିବାକୁ ପାଇଥିଲେ ଏବଂ କାର୍କୁ ଜବତ କରିଥିଲେ। କାର୍ରେ ମୋଟ ୪୧ କେ.ଜି. ୩୦୦ ଗ୍ରାମ ଗଞ୍ଜେଇ ଜବତ କରିଥିଲେ। ଏହା ସହ ଗଞ୍ଜେଇ ଚାଲାଣ ଅଭିଯୋଗରେ ୩ ଜଣଙ୍କୁ ଗିରଫ କରିଥିଲେ। ଗିରଫ ବ୍ୟକ୍ତି କେଶରୀ ପ୍ରଧାନ, ବନମାଳୀ ମହାରଣା ଓ ସୌଭାଗ୍ୟ ବେହେରାଙ୍କ ଘର କଟକ ଜିଲା ଆଠଗଡ ଅଞ୍ଚଳରେ ବୋଲି ଜଣା ପଡିଛି। ଏ ନେଇ ଏକ ମାମଲା ନଂ. ୪୨/୨୧ ରୁଜୁ କରି କୋର୍ଟ ଚାଲାଣ କରାଯାଇଛି। ଏସ୍ଆଇ. ଦୀପକ ରାଉତ ମାମଲାର ତଦନ୍ତ କରୁଛନ୍ତି ବୋଲି ବାଲିଗୁଡା ଥାନା ଭାରପ୍ରାପ୍ତ ଅଧିକାରୀ ପ୍ରଶାନ୍ତ କୁମାର ବେହେରା ସୂଚନା ଦେଇଛନ୍ତି।
