ମୁମ୍ବଇ: ମହାରାଷ୍ଟ୍ରର ୟାଭାତମାଲ୍ରେ ବାଘୁଣୀ ‘ଅବନୀ’କୁ ହତ୍ୟା କରାଯାଇଛି। ଗତ ଦୁଇ ବର୍ଷ ଭିତରେ ଅବନୀ ଅନ୍ୟୁନ ୧୩ ଜଣଙ୍କ ମାରି ଖାଇଥିବା ଅଭିଯୋଗ ଆସିଛି। ଏବେ ଅବନୀର ଦୁଇଟି ୧୦ ମାସର ଶାବକ ଅଛନ୍ତି।
ଜଣକ ପରେ ଜଣଙ୍କୁ ମାରି ଖାଇବା ପରେ ଅବନୀ(ଟିଆଇ)କୁ ହତ୍ୟା କରାଯାଇପାରେ ବୋଲି ସୁପ୍ରିମକୋର୍ଟ ଗତ ସେପ୍ଟେମ୍ବର ମାସରେ ଚେତାବନୀ ଦେଇଥିଲେ। ଅବନୀକୁ ମାରିବା ପାଇଁ ଅନ୍ଲାଇନରେ ଆବେଦନ ମଧ୍ୟ ଆସିଥିବା ସୁପ୍ରିମକୋର୍ଟ ଦର୍ଶାଇଥିଲେ।
ବାଘୁଣୀ ଅବନୀକୁ ଧରିବା ପାଇଁ ଅତ୍ୟାଧୁନିକ ଜ୍ଞାନକୌଶଳ ଉପକରଣରେ ସଜ୍ଜିତ ୧୫୦ ଜଣିଆ ଟିମ୍ ଗତ ତିନି ମାସ ହେଲା ଉଦ୍ୟମ କରିଆସୁଥିଲେ। ସେହି ଟିମ୍ରେ ଶିକାରୀ, ବିଶେଷଜ୍ଞ, ବନକର୍ମଚାରୀ ଓ ତାଲିମ ପ୍ରାପ୍ତ ହାତୀଙ୍କୁ ସାମିଲ୍ କରାଯାଇଥିଲା। ବାଘୁଣୀ ଉପରେ ନଜର ରଖିବା ପାଇଁ ଡ୍ରୋନ୍, ସିସିଟିଭି ଲଗାଯାଇଥିଲା। କିନ୍ତୁ ଗତ ଶୁକ୍ରବାର ସନ୍ଧ୍ୟରେ ଅବନୀକୁ ହତ୍ୟା କରାଯାଇଥିବା ଜଣାପଡ଼ିଛି। ସାର୍ପସୁଟର ସାହାଫତ୍ ଅଲ୍ଳୀ ଖାନ୍ଙ୍କ ଗୁଳିରେ ଅବନୀ ପ୍ରାଣ ହରାଇଥିବା କୁହାଯାଉଛି।
ଅବନୀ ରହୁଥିବା ଜଙ୍ଗଲରେ ୧୩ ଜଣଙ୍କ ମୃତ ହେଦ ଉଦ୍ଧାର କରାଯାଇଥିବା ବେଳେ ସେଥିମଧ୍ୟରୁ ମାତ୍ର ୫ ଜଣ ଅବନୀ ଆକ୍ରମଣରେ ମରିଥିବା ବିଶେଷଜ୍ଞମାନେ କହିଥିଲେ। ତେଣୁ ସେଠାରେ ଅନ୍ୟ ଏକ ବାଘ ଥାଇପାରେ ବୋଲି ବନ ବିଭାଗ କର୍ମଚାରୀମାନେ ଅନୁମାନ କରିଥିଲେ। ସେହି ବାଘ ହିଁ ଅନ୍ୟ ୮ ଜଣଙ୍କ ପ୍ରାଣ ନେଇଥିବା ବନ ବିଭାଗ ପକ୍ଷରୁ ସନ୍ଦେହ କରାଯାଇଥିଲା। କିନ୍ତୁ ଅବନୀ ହିଁ ସମସ୍ତଙ୍କୁ ମାରିଥିବା ସ୍ଥାନୀୟ ଲୋକେ ଆବେଦନ କରିଥିଲେ। ଏହାପରେ ଅବନୀକୁ ମାରିବା ପାଇଁ ବମ୍ବେ ହାଇକୋର୍ଟର ନାଗପୁର ବେଞ୍ଚରେ ଏକ ଆବେଦନ ଦାୟର କରାଯାଇଥିଲା।
ଦୁର୍ଦ୍ଦାନ୍ତ ଅବନୀକୁ ହତ୍ୟା
Popular Categories
Previous article
Next article