ଆଠଗଡ: ନାବାଳିକାକୁ ଅପହରଣ ଘଟଣାର ଅଭିଯୁକ୍ତକୁ ଗିରଫ କରି ଆଠଗଡ ପୁଲିସ କୋର୍ଟ ଚାଲାଣ କରିଥିବା ଜଣାପଡିଛି । ଆଠଗଡ ଥାନା ଅନ୍ତର୍ଗତ ସମସରପୁର ପଞ୍ଚାୟତ ଅଧିନ ରଘୁନାଥପୁର ଗ୍ରାମର ଜନୈକ ନାବାଳିକା ଫେବୃୟାରୀ ମାସ ୨ ତାରିଖରେ ଘରୁ କେଉଁ ଆଡେ ଚାଲିଯାଇଥିଲା। ଘଟଣା ସମ୍ପର୍କରେ ନାବାଳିକାର ବାପା ଆଠଗଡ ଥାନାରେ ତାଙ୍କ ଝିଅକୁ ଅପହରଣ କରାଯାଇଥିବା ନେଇ ଲିଖିତ ଅଭିଯୋଗ କରିଥିଲେ ।
ଆଠଗଡ ପୁଲିସ ଏତଲା ଆଧାରରେ ମାମଲା ପଞ୍ଜିକୃତ କରି ଘଟଣାର ତଦନ୍ତ କରି ଅପହର୍ତ୍ତାକୁ ଧରିବାକୁ ଉଦ୍ୟମ କରିଥିଲେ । ପୁଲିସ ବିଭିନ୍ନ ସ୍ଥାନରେ ଚଢାଉ କରି ଶେଷରେ ନାବାଳିକାକୁ ଅପହରଣ କରିଥିବା ଅଭିଯୁକ୍ତକୁ ଧରିବାରେ ସକ୍ଷମ ହେଇଥିଲା । ଅଭିଯୁକ୍ତ ଜଣକ ହେଲେ ଢେଙ୍କାନାଳ ସଦର ଥାନା ଅନ୍ତର୍ଗତ ପଦ୍ନନାଭପୁରର ବାହୁଡା ଦେହୁରୀ(୨୪) । ସୋମବାର ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରିଥିବା ଆଇଆଇସି ଅନିରୁଦ୍ଧ ମୁଦୁଲି ପ୍ରକାଶ କରିଛନ୍ତି।
