ଡେସ୍କ: ପ୍ରତିରକ୍ଷା ମନ୍ତ୍ରାଳୟ ଦେଶର ସେନାବାହିନୀ ପାଇଁ ଆବଶ୍ୟକ ସରଞ୍ଜାମ ଲାଗି ୮୦୨ କୋଟି ଟଙ୍କାର ଚୁକ୍ତି ସ୍ଵାକ୍ଷର କରିଛନ୍ତି। ଏଥିରେ ୬୯୭ଟି ବଗି ଓପନ ମିଲିଟାରୀ ୱାଗନ ରହିଛି ଯାହାର ମୂଲ୍ୟ ୪୭୩ କୋଟି ଟଙ୍କା। ଏଥିଲାଗି ଯୁପିଟର ୱାଗନ ଲିମିଟେଡ଼ ସହ ଚୁକ୍ତି ସ୍ୱାକ୍ଷରିତ ହୋଇଛି। ସେହିପରି ବିଏମଇଏଲ ଲିମିଟେଡ଼ ସହ ୩୨୯ କୋଟି ଟଙ୍କାର ଚୁକ୍ତି ହୋଇଛି ଯେଉଁଥିରେ ୫୬ଟି ମେକାନିକାଲ ମାଇନ ଫିଲଡ ମାର୍କିଙ୍ଗ ଇକ୍ୱିପମେଣ୍ଟ ରହିଛି।
ଭାରତୀୟ ସେନା ଦ୍ୱାରା ବଗି ଓପନ ମିଲିଟାରୀ ୱାଗନ ବ୍ୟବହାର କରିଥାଏ ଓ ଏହାକୁ ସେନା ମୁତୟନ ପାଇଁ ବ୍ୟବହାର କରାଯାଇଥାଏ। ଏହା ଛଡା ହାଲୁକା ସାମରିକ ଯାନ, ଅସ୍ତ୍ରଶସ୍ତ୍ର ଓ ଇଞ୍ଜିନିଅରିଂ ସରଞ୍ଜାମ ନେବା ଆଣିବା ଲାଗି ମଧ୍ୟ ଏହାର ବ୍ୟବହାର କରାଯାଇଥାଏ। ଅନ୍ୟପକ୍ଷରେ ମେକାନିକାଲ ମାଇନ ଫିଲଡ ମାର୍କିଙ୍ଗ ଇକ୍ୱିପମେଣ୍ଟ ହେଉଛି ଏକ ସ୍ୱତନ୍ତ୍ର ଧରଣର ଯାନ ଯେଉଁଥିରେ ପଥୁରିଆ ଅଂଚଳ ଚିହ୍ନଟ ଲାଗି ଅତ୍ୟାଧୁନିକ ଯନ୍ତ୍ରପାତି ଖଞ୍ଜାଯାଇଛି।
Comments are closed.