ଡେସ୍କ: ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି)ର ଦଳୀୟ କ୍ଷମତା ଓ ଚିହ୍ନ ହାସଲ କରିବା ଲାଗି ଏନସିପି ନେତା ତଥା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାର ନିର୍ବାଚନ କମିଶନଙ୍କ ନିକଟରେ ଦାବି କରିଛନ୍ତି। ହାରାଷ୍ଟ୍ର ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବାର ଦୁଇ ଦିନ ପୂର୍ବରୁ ଅଜିତ ପାୱାର ଗତ ମାସ ୩୦ ତାରିଖ ଦିନ ଆୟୋଗଙ୍କୁ ଏହା ଲେଖିଥିଲେ। ସୂଚନା ଅନୁଯାୟୀ, ଏନସିପି ସାଂସଦ, ବିଧାୟକ ଏବଂ ବିଧାନ ପରିଷଦ ସଦସ୍ୟଙ୍କ ପାଖରୁ ୪୦ଟି ସତ୍ୟପାଠ ଏବଂ ଅଜିତ ପାୱାରଙ୍କୁ ଏନସିପି ସଭାପତି ଭାବରେ ସର୍ବସମ୍ମତି କ୍ରମେ ଗ୍ରହଣ କରାଯାଇଥିବା ଏକ ସଂକଳ୍ପ ନିର୍ବାଚନ ପ୍ୟାନେଲକୁ ଦିଆଯାଇଛି।
ଅନ୍ୟ ପକ୍ଷରେ, ଏନସିପି ମହାରାଷ୍ଟ୍ର ରାଜ୍ୟ ସଭାପତି ଜୟନ୍ତ ପାଟିଲଙ୍କ ଠାରୁ ଗତ ୩ ତାରିଖରେ ଏକ ଚେତାବନୀ ମଧ୍ୟ ଜାରି କରାଯାଇଥିଲା। ଶ୍ରୀ ପାଟିଲ ମଧ୍ୟ ନିର୍ବାଚନ କମିଶନଙ୍କୁ ୯ ଜଣ ବିଧାୟକଙ୍କ ବିରୋଧରେ ଅଯୋଗ୍ୟତା ପ୍ରକ୍ରିୟା ଆରମ୍ଭ ହୋଇଥିବା ଜଣାଇଛନ୍ତି।
