ହରଭଙ୍ଗା : ବୌଦ୍ଧ ଜିଲ୍ଲା ପୁରୁଣା କଟକ ଥାନା ଖୋର୍ଦ୍ଧା-ବଲାଙ୍ଗିର ୫୭ନଂ ଜାତୀୟ ରାଜପଥ କରଡାକୋଠା ନିକଟରେ ଏକ କାର ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ବେଳେ ଚାଳକ ଗୁରୁତର ଆହତ ହୋଇଛନ୍ତି। ସୂଚନା ଅନୁଯାୟୀ ଏକ କାର ଯୋଗେ ଭୁବନେଶ୍ୱର ଅଂଚଳର ଜିତେନ୍ଦ୍ର ଦାଶ ଏବଂ ମିଟୁ ଷଡଙ୍ଗୀ ବୌଦ୍ଧ ପଟୁ ଭୁବନେଶ୍ବର ଯାଉଥିବା ସମୟରେ କରଡାକୋଠା ନିକଟରେ ଭାରସାମ୍ୟ ହରାଇ ପୋଲ ପାରାପେଟି ୱାଲରେ ଧକ୍କା ହୋଇଥିଲା । ଏଥିରେ ମିଟୁ ଷଡଙ୍ଗୀଙ୍କ ମୃତ୍ୟୁ ହୋଇଥିବା ବେଳେ ଚାଳକ ଜିତେନ୍ଦ୍ର ଦାଶ ଗୁରୁତର ଆହତ ହୋଇଥିଲେ। ଖବର ପାଇ ହରଭଙ୍ଗା ଦମକଳ ଘଟଣା ସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ପୁରୁଣାକଟକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଜିତେନ୍ଦ୍ର ଗୁରୁତର ହେବାରୁ ତାଙ୍କୁ ବୌଦ୍ଧ ସ୍ଥାନାନ୍ତର କରାଯାଇଥିବା ଜଣାପଡଛି । ପୁରୁଣା କଟକ ପୁଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାର ଛାନଭିନ ଆରମ୍ଭ କରିଥିବା ଥାନା ଅଧିକାରୀ ଜ୍ୟୋସ୍ନା କାଉଁରୀ ସୂଚନା ଦେଇଛନ୍ତି ।
Popular Categories
Previous article
Next article