ସୋର: ବେଆଇନ ପଥର ବୋଝେଇ ଟ୍ରକ ଯାଞ୍ଚ ବେଳେ ଅଘଟଣ ଘଟିଛି । ସୋର ତହସିଲଦାର ଦେବୀ ପ୍ରସାଦ ଦାଶ ଏବଂ ସୋର ଥାନା ଏଏସଆଇ ଅମୁଲ୍ୟ ଗିରି ସେହି ଟ୍ରକ ଧକାରୁ ଅଳ୍ପକେ ବର୍ତ୍ତିଯାଇଥିବା ବେଳେ ଟ୍ରକଟି ଭାରସାମ୍ୟ ହରାଇ ରାସ୍ତାକଡକୁ ଓଲଟି ପଡିଥିବା ସୂଚନା ମିଳିଛି । ଜାତୀୟ ରାଜପଥ କଲେଜ ଛକରେ ଘଟଣା ଘଟିଛି । ଡ୍ରାଇଭର କରୁଣା କର ସାହୁ ଏହି ଦୁର୍ଘଟଣାରୁ ମଧ୍ୟ ଅଳ୍ପକେ ବର୍ତ୍ତି ଯାଇଛି ।
ସୂଚନାଯୋଗ୍ୟ, ବେଆଇନ ପଥର ବୋଝେଇ ଟ୍ରକ ବାଗୁଡି ଖଞ୍ଜା ମାହାଲ ରୁ ଭଦ୍ରକ ଯିବା ବାଟରେ ତହସିଲ ଦ୍ବାରା ଯାଞ୍ଚର ସମ୍ମୁଖୀନ ହୋଇଥିଲା। ଟ୍ରକକୁ ଅଟକାଇ ସମୟରେ ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା।