ବ୍ରହ୍ମପୁର: କରୋନା ଯୋଗୁ ପ୍ରାୟ ଏକ ବର୍ଷରୁ ଅଧିକ ସମୟ ହେଲା ବନ୍ଦ ପଡ଼ିଥିବା ଜିଲାପାଳଙ୍କ ଅଭିଯୋଗ ଶୁଣାଣି ଶିବିର ପୁଣି ଥରେ ଗଞ୍ଜାମ ଜିଲାରେ ଆରମ୍ଭ ହୋଇଛି । ତେବେ ଆଭାସିରେ ଅଭିଯୋଗ ଶୁଣାଣି କରାଯାଇଛି । ଏହାକୁ ନାମ ଦିଆଯାଇଛି ‘ମୋ ନିବେଦନ’ । ସୋମବାର ପ୍ରଥମ ବ୍ଲକ ଭାବେ ରଙ୍ଗେଇଲୁଣ୍ଡା ବ୍ଲକର ଅଭିଯୋଗ ଶୁଣାଣି ହୋଇଛି । ଏହି ବ୍ଲକର ରଙ୍ଗିପୁର, କେଲୁଆପଲ୍ଲୀ, ଗୋଳନ୍ଥରା ଏବଂ ନାରାୟଣପୁର ପଞ୍ଚାୟତ ସାମିଲ ହୋଇଛି । ବ୍ରହ୍ମପୁର ଉପଜିଲାପାଳଙ୍କ କାର୍ଯ୍ୟାଳୟର ସମ୍ମିଳନୀ କକ୍ଷରେ ଜିଲାପାଳ ବିଜୟ ଅମୃତା କୁଲାଙ୍ଗେ ଏବଂ ବ୍ରହ୍ମପୁର ଉପଜିଲାପାଳ ୱି.କିର୍ତ୍ତି ଭାସନ ଉପସ୍ଥିତ ରହି ଆଭାସିରେ ଲୋକମାନଙ୍କ ଅଭିଯୋଗ ଶୁଣିଥିଲେ । ସଂପୃକ୍ତ ପଞ୍ଚାୟତର କାର୍ଯ୍ୟାଳୟରୁ ଲୋକମାନେ ଆଭାସିରେ ଲ୍ୟାପଟପ ଏବଂ ମୋବାଇଲ୍ ମାଧ୍ୟମରେ ସେମାନଙ୍କ ଅଭିଯୋଗ ପ୍ରକାଶ କରିଥିଲେ । ଏଥିରେ ପଞ୍ଚାୟତର ସ୍ତରର ଅଧିକାରୀମାନେ ସହଯୋଗ କରିଥିଲେ । ପ୍ରଥମ ଦିନରେ ପ୍ରାୟ ୬୦ଟି ଅଭିଯୋଗର ଶୁଣାଣି କରାଯାଇଛି । ଆଭାସିରେ ଜିଲା ସ୍ତରୀୟ ଅଧିକାରୀମାନେ ନିଜ ନିଜ କାର୍ଯ୍ୟାଳୟରୁ ଶୁଣାଣିରେ ଭାଗନେଇଥିଲେ ।
Popular Categories
Previous article
Next article