ନୂଆଦିଲ୍ଲୀ : ଖାଦ୍ୟ ସେବା ଉଦ୍ୟେଗରେ ରୋବୋଟ୍ କର୍ମଚାରୀଙ୍କୁ ଆପଣାଇବା ଧିରେ ଧିରେ ବଢିବାରେ ଲାଗିଛି । ବଡ ବଡ ହୋଟେଲ ମାନଙ୍କରେ ରୋବୋଟ୍ ଅତିଥିଙ୍କୁ ସ୍ବାଗତ କରୁଥିବା ଏବଂ ଖାଦ୍ୟ ପରଷୁଥିବା ନଜର ଆସେ । ଏବେ ସାମାଜିକ ଗଣମାଧ୍ୟମରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଏକ ରୋବୋଟ୍ ଓ୍ବେଟର ଗ୍ରାହକଙ୍କୁ ଖାଦ୍ୟ ପରଷୁଥିବା ଦେଖିବାକୁ ମିଳୁଛି । ତେବେ ଧ୍ୟାନର ସହିତ ଦେଖିଲେ ଜଣାପଡୁଛି କି ଏହା ରୋବୋଟ୍ ନୁହେଁ, ବରଂ ଜଣେ ପ୍ରକୃତ ମହିଳା । ଏହି ଭିଡିଓ ଇଣ୍ଟରନେଟରେ ସମସ୍ତଙ୍କୁ ଚକିତ କରୁଛି ।
View this post on Instagram
- Advertisement -
ଭିଡିଓରେ ମହିଳା ଜଣକ ରୋବୋଟ୍ ହେବାର ନାଟକ କରୁଛନ୍ତି ଏବଂ ଗ୍ରାହକଙ୍କୁ ଖାଦ୍ୟ ପରଷୁଛନ୍ତି । ଏପରିକି ସେ ରୋବୋଟ୍ ଭଳି କଥା ମଧ୍ୟ ହେଉଛନ୍ତି । ଭିଡିଓଟି ଚୀନର ଏକ ହୋଟେଲର । ସାମାଜିକ ଗଣମାଧ୍ୟମରେ ଭିଡିଓଟି ଭାଇରାଲ ହେବାରେ ଲାଗିଛି । ସମସ୍ତେ ଏହାକୁ ପସନ୍ଦ ଏବଂ ସେୟାର କରୁଛନ୍ତି । ତେବେ ସମସ୍ତେ ମହିଳାଙ୍କ ଏହି କଳାକୁ ପ୍ରଶଂସା କରୁଛନ୍ତି ।
