ନୂଆଦିଲ୍ଲୀ .- ବିଦେଶୀ ମହିଳାଙ୍କୁ ସେନାର ବିଭିନ୍ନ ତଥ୍ୟ ପ୍ରଦାନ କରୁଥିବା ଜଣେ ଜବାନଙ୍କୁ ପୁଲିସ ଗିରଫ କରିଛି। ଗିରଫ ହୋଇଥିବା ଜବାନ ରବୀନ୍ଦ୍ରଙ୍କ ଘର ହରିୟାନାର ମହେନ୍ଦ୍ରଗଡ ବସଇ ଗ୍ରାମରେ । ରବୀନ୍ଦ୍ର ସେନାର କୁମାଓଁ ରେଜିମେଣ୍ଟରେ କାର୍ଯ୍ୟ କରୁଥିଲେ । ଗୁରୁବାରରେ ପୁଲିସ ତାଙ୍କୁ ନେରନୌଲରେଳ ଷ୍ଟେସନରୁ ଗିରଫ କରିଛି । ଅଦାଲତରେ ହାଜର କରିବା ପରେ ପୁଲିସ ତାଙ୍କୁ ରିମାଣ୍ଡରେ ନେଇଛି ।
ରବୀନ୍ଦ୍ର ଏବେ ଅବିବାହିତ ଅଛନ୍ତି । ତାଙ୍କର ବଡ ଭାଇ ବି ସେନାରେ ଅଛନ୍ତି । ପୁଲିସ ତାଙ୍କ ପାଖରୁ ୭ଟି ଜୀବନ୍ତ ଗୁଳି ୨ଟି ମୋବାଇଲ ଓ ତିନୋଟି ସିମ୍ କାର୍ଡ ଜବତ କରିଛି । ପାକିସ୍ତାନର ଗୁଇନ୍ଦା ସଂସ୍ଥା ସହ ତାଙ୍କର ସମ୍ପର୍କ ଥିବା କଥା ପୁଲିସ ସନ୍ଦେହ କରୁଛି । ପୁଲିସ ଏବେ ସୁଦ୍ଧା ମହିଳାଙ୍କ ନାମକୁ ପ୍ରକାଶ କରିନାହିଁ ।
ରବୀନ୍ଦ୍ର ୨୦୧୮ରେ ଅମୃତସରରେ ସେନାରେ କାର୍ଯ୍ୟ କରୁଥିଲେ । ଫେସ୍ବୁକ୍ରେ ମହିଳାଙ୍କ ସହ ବନ୍ଧୁତା କରିବା ପରେ ସେ ସୂଚନା ପ୍ରଦାନ କରୁଥିବା ପୁଲିସ ସୂଚନା ଦେଇଛି । ପ୍ରଥମେ ଚାଟ୍ରୁ ଦୁଇ ଜଣଙ୍କ ମଧ୍ୟରେ ବନ୍ଧୁତା ଆରମ୍ଭ ହୋଇଥିଲା । ପରେ ଭିଡିଓ କଲିଂ ରି ଦୁଇ ଜଣ କଥା ବାର୍ତ୍ତା ହୋଇଥିଲେ । ହ୍ୱାଟସ୍ପରେ ବନ୍ଧୁତା କରିବା ପରେ ରବୀନ୍ଦ୍ର ସେନା ଗୁପ୍ତ ସୂଚନା ସମ୍ପୃକ୍ତ ମହିଳାଙ୍କୁ ପ୍ରଦାନ କରୁଥିବା ଅଭିଯୋଗ ହୋଇଛି । ସେ ରେଳ ଷ୍ଟେସନ୍ରେ ଦେଶର ଗୁପ୍ତ ସୂଚନା ବିଦେଶକୁ ପ୍ରଦାନ କରୁଥିବା ଅଭିଯୋଗ ହୋଇଥିଲା। ପୁଲିସକୁ ଏ ବିଷୟରେ ସେନା ପକ୍ଷରୁ ସୂଚନା ଦିଆଯିବା ପରେ ତାକୁ ରେଳ ଷ୍ଟେସନରୁ ଗିରଫ କରାଯାଇଥିଲା ।
Comments are closed.