ମୁମ୍ବଇ : ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସ ରବିବାର ତାଙ୍କ ମନ୍ତ୍ରିମଣ୍ଡଳ ସମ୍ପ୍ରସାରଣ କରିବେ। ପୂର୍ବାହ୍ଣ ୧୧ଟାରେ ରାଜଭବନରେ ନବନିଯୁକ୍ତ ମନ୍ତ୍ରୀମାନଙ୍କୁ ରାଜ୍ୟପାଳ ପଦ ଓ ଗୋପନୀୟତାର ଶପଥ ପାଠ କରାଇବେ । ଏନେଇ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ରିପବ୍ଲିକାନ ପାର୍ଟି ଅଫ ଇଣ୍ଡିଆର ବରିଷ୍ଠ ନେତା ଅବିନାଶ ମହତେକର ଏବଂ ରାଧାକ୍ରିଷ୍ଣ ପାଟିଲଙ୍କୁ ମନ୍ତ୍ରୀ ପଦ ଦିଆଯିବାର ସମ୍ଭାବନା ରହିଛି। ଏଥିସହ ଶିବସେନାର ଦୁଇ ନେତାଙ୍କୁ ମଧ୍ୟ ମନ୍ତ୍ରିମଣ୍ଡଳରେ ସାମିଲ କରାଯିବାର ସମ୍ଭାବନା ରହିଛି। ଏ ନେଇ ଫଡନାବିସ ଶିବସେନା ମୁଖ୍ୟ ଉଦ୍ଧବ ଠାକରେଙ୍କ ସହିତ ଆଲୋଚନା କରିଛନ୍ତି। ଶିବସେନାକୁ ଉପମୁଖ୍ୟମନ୍ତ୍ରୀ ପଦ ଦିଆଯାଇପାରେ ବୋଲି ଆଲୋଚନା ହେଉଛି। ମହାରାଷ୍ଟ୍ରରେ ବିଭାଗ ବଣ୍ଟନ ଓ ମୁଖ୍ୟମନ୍ତ୍ରୀ ପଦକୁ ନେଇ ବିଜେପି ଓ ଶିବସେନା ମଧ୍ୟରେ ବିବାଦ ରହିଥିବା କୁହାଯାଉଥିଲା; ମାତ୍ର ମନ୍ତ୍ରିମଣ୍ଡଳ ସମ୍ପ୍ରସାରଣ ଦ୍ବାରା ଶିବସେନାର ସମସ୍ତ ଆଶା ପୂରଣ ହେବ ବୋଲି ବିଜେପି ପକ୍ଷରୁ କୁହାଯାଇଛି। ଶିବସେନା ଓ ବିଜେପି ୨୦୧୪ ବିଧାନସଭା ନିର୍ବାଚନ ପୃଥକ ଭାବେ ଲଢିଥିଲେ; କିନ୍ତୁ ପରେ ଉଭୟ ଦଳ ମେଣ୍ଟ କରିଥିେଲେ।
Popular Categories
Previous article
Next article