ନୂଆଦିଲ୍ଲୀ : ପୂର୍ବତନ କେନ୍ଦ୍ର ମନ୍ତ୍ରୀ ଏବଂ ହକିରେ ଅଲମ୍ପିକ ପଦକ ବିଜେତା ଅସଲମ ଶେର ଖାନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ପତ୍ର ଲେଖି କଂଗ୍ରେସ ଅଧ୍ୟକ୍ଷ ପଦ ପାଇଁ ନିଜ ଦାବି ଉପସ୍ଥାପନ କରିଛନ୍ତି। ଶୁକ୍ରବାର ଏହି ଖବର ପଦାକୁ ଆସିଛି।
ଅସଲମ କହିଛନ୍ତି ଯେ କଂଗ୍ରେସ ପୁଣି ଥରେ ନିର୍ବାଚନରେ ହାରିବା ପରେ ମୁଁ ଏହି ପତ୍ର ଲେଖିଥିଲି। ରାହୁଲ ଗାନ୍ଧୀ କଂଗ୍ରେସ ଅଧ୍ୟକ୍ଷ ପଦ ଦାୟିତ୍ୱ ଅନ୍ୟ କାହାକୁ ଦେବାକୁ ଚାହୁଁଥିବାରୁ ମୁଁ ଏହାକୁ ଏକ ସୁଯୋଗ ବୋଲି ଭାବିଲି। ତେଣୁ ଏହି ପତ୍ର ମାଧ୍ୟମରେ ମୁଁ କଂଗ୍ରେସ ଅଧ୍ୟକ୍ଷ ପଦ ଭାର ନେବା ପାଇଁ ଇଚ୍ଛା ପ୍ରକାଶ କରିଛି। ଏବେ କଂଗ୍ରେସକୁ ସାହାସର ଆବଶ୍ୟକତା ଅଛି। ନେହରୁ-ଗାନ୍ଧୀ ପରିବାର ବାହାରେ ଅନ୍ୟ କାହାକୁ କଂଗ୍ରେସ ଅଧ୍ୟକ୍ଷ ପଦ ଦେବାକୁ ଚାହୁଁଥିଲେ, ମୋତେ ଏକ ସୁଯୋଗ ଦିଆଯାଉ ବୋଲି ସେ ପତ୍ରରେ ଉଲ୍ଲେଖ କରିଛନ୍ତି।
ପ୍ରକାଶ ଯେ ଲୋକସଭା ନିର୍ବାଚନରେ ଶୋଚନୀୟ ପରାଜୟ ପାଇଁ ନିଜକୁ ଦାୟୀ କରି ରାହୁଲ ଗାନ୍ଧୀ କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ଦେବାକୁ ଅଡ଼ି ବସିଥିଲେ। ଅଧ୍ୟକ୍ଷ ପଦ ପାଇଁ ବିକଳ୍ପ ବାଛିବାକୁ ସେ କଂଗ୍ରେସ କାର୍ଯ୍ୟକାରୀ କମିଟିକୁ କହିଥିଲେ।
କଂଗ୍ରେସ ଅଧ୍ୟକ୍ଷ ପଦ ପାଇଁ ଦାବି ରଖିଲେ ପୂର୍ବତନ କେନ୍ଦ୍ର ମନ୍ତ୍ରୀ ଅସଲମ ଶେର ଖାନ
Popular Categories
Previous article
Next article