ଭୁବନେଶ୍ୱର : କେନ୍ଦ୍ରରେ ଏକ ମଜବୁତ ସରକାରର ଆବଶ୍ୟକତା ରହିଛି। ମୋଦୀଙ୍କ ଦୃଢ ନେତୃତ୍ୱ ଯୋଗୁଁ ପାକିସ୍ତାନ ଉପରେ ଆକ୍ରମଣ ହୋଇପାରିଛି। ଏଭଳି ଶାଣିତ ଢଙ୍ଗରେ ନିଜର ମନ୍ତବ୍ୟ ରଖିଛନ୍ତି ବିଜେପି ମୁଖପାତ୍ର ତଥା ପୁରୀ ଲୋକସଭା ପାର୍ଥୀ ସମ୍ବିତ ପାତ୍ର କହିଛନ୍ତି।
ଏହାସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କେନ୍ଦ୍ରରେ ଝୁଲା ସରକାର ଗଠନ ହେବା ମନ୍ତବ୍ୟକୁ ସମାଲୋଚନା କରିଛନ୍ତି। ବିକାଶକୁ ମୁଖ୍ୟ ଅସ୍ତ୍ର କରି ଲୋକଙ୍କ ନିକଟରେ ପହଞ୍ଚିବି ବୋଲି ସମ୍ବିତ କହିଛନ୍ତି। ସେ ଆହୁରି କହିଛନ୍ତି ପୁରୀ ଏକ ମହତ୍ୱପୁର୍ଣ୍ଣ ସହର। କିନ୍ତୁ ଦୁର୍ଭାଗ୍ୟର ବିଷୟ ଦେଶର ଅନ୍ୟ ଐତିହ୍ୟ ସ୍ଥାନର ଚର୍ଚ୍ଚା ଭଳି ପୁରୀ ଚର୍ଚ୍ଚା କରାଯାଉନାହିଁ।
ଦେଶର ଉନ୍ନତି ପାଇଁ କେନ୍ଦ୍ରରେ ଏକ ମଜବୁତ ସରକାର ଦରକାର। ଏକ ଅସ୍ଥିର ସରକାର କେବେ ବି ଭାରତକୁ ଆଗକୁ ବଢାଇପାରିବ ନାହିଁ। ଓଡ଼ିଶାବାସୀ ଏ ସମ୍ପର୍କରେ ଭଲ ଭାବରେ ଜାଣିଛନ୍ତି। ତେଣୁ ମୋଦୀଙ୍କ ହାତକୁ ଟାଣ କରବା ପାଇଁ ସମସ୍ତ ଓଡ଼ିଶାବାସୀ ମୋଦୀଙ୍କ ପଛରେ ଛିଡାହେବେ ଓ ଓଡ଼ିଶାରେ ପଦ୍ମ ଫୁଟିବ ବୋଲି ସମ୍ବିତ ଦୃଢୋକ୍ତି ପ୍ରକାଶ କରିଛନ୍ତି।
