ନୂଆଦିଲ୍ଲୀ : ରୁଷରେ ଶନିବାର ଭୟଙ୍କର ଭୂକମ୍ପ ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୭.୧ ରେକର୍ଡ କରାଯାଇଛି । ଭୂକମ୍ପ ରୁଷର ପୂର୍ବ ଅଞ୍ଚଳରେ କାମଚଟକାରେ ଅନୁଭୂତ ହୋଇଛି । ଏଠାରେ ଜୁଲାଇରେ ମଧ୍ୟ ଭୂକମ୍ପ ଝଟକା ଅନୁଭୂତ ହୋଇଥିଲା । ଏହାପରେ ରୁଷ-ଜାପାନରେ ସୁନାମୀ ମଧ୍ୟ ଆସିଥିଲା ।
ବୈଜ୍ଞାନିକଙ୍କ ଚେତାବନୀ ଅନୁଯାୟୀ, ଭୂକମ୍ପ କେନ୍ଦ୍ର ନିକଟରେ ୩୦୦ କିଲୋମିଟର ଅଞ୍ଚଳ ପର୍ଯ୍ୟନ୍ତ ସମୁଦ୍ରରେ ବଡ ଧରଣର ଲହଡି ହେବାର ସମ୍ଭାବନା ରହିଛି । ଯାହା ସୁନାମୀ ମଧ୍ୟ ଆଣିପାରେ ।
🔴An earthquake with a magnitude of 7.7 occurred in Kamchatka, Russia
Residents have currently been warned about the threat of a tsunami. Recall that on July 30, Kamchatka was shaken by tremors with a magnitude of 8.8 – the strongest earthquake since 1952. pic.twitter.com/gCuALYV4qW
— ★ᚹᛁᚲᛁᚾᚷ★🏴☠️💎 (@vikingbooyah) September 13, 2025
ରୁଷର କାମଚଟକାରେ ଆସିଥିବା ଭୂକମ୍ପର କେନ୍ଦ୍ର ଭୂମି ଠାରୁ ୧୦ କିଲୋମିଟର ଗଭୀର ଓ ଏହାର ତୀବ୍ରତା ୭.୧ ରେକର୍ଡ କରାଯାଇଛି ।
ଜୁଲାଇ ମାସରେ ରୁଷର କାମଚାଟକା ଦ୍ୱୀପରେ ଭୟଙ୍କର ଭୂମିକମ୍ପ ହୋଇଥିଲା, ଯାହାର ତୀବ୍ରତା ରିକ୍ଟର ସ୍କେଲରେ ୮.୮ ମାପ କରାଯାଇଥିଲା। ଏହି ଭୂମିକମ୍ପ ପ୍ରଶାନ୍ତ ମହାସାଗରରେ ସୁନାମି ସୃଷ୍ଟି କରିଥିଲା। ସମୁଦ୍ରରେ ୪ ମିଟର ଉଚ୍ଚ ଢେଉ ଉଠିଥିଲା। ସୁନାମି ରୁଷ ଏବଂ ଜାପାନରେ ବହୁତ ଧ୍ୱଂସ ଘଟାଇଥିଲା। ସେହି ସମୟରେ ସୁନାମିର ଚେତାବନୀ ଯୋଗୁଁ ପ୍ରାୟ ୧୦ଟି ଦେଶରେ ହାଇ ଆଲର୍ଟ ଜାରି କରାଯାଇଥିଲା। ଝଡ଼ ପବନ ଏବଂ ପ୍ରବଳ ବର୍ଷା ଏହି ଦେଶଗୁଡ଼ିକରେ କ୍ଷତି କରିଥିଲା।
