କଲ୍ୟାଣସିଂହପୁର : ରାୟଗଡା ଜିଲ୍ଲାର କଲ୍ୟାଣସିଂହପୁର ବ୍ଳକ ମାଝିଗୁଡା ହାଟରେ ଆଜି ଦେଶୀ କୁକୁଡ଼ାର ବେଶ ଚାହିଦା ରହିଥିବା ଦେଖିବାକୁ ମିଳିଛି। ରାତି ପାହିଲେ ଆସୁଛି ନୂଆଁଖାଇ ପର୍ବ ଆଉ ଏହି ନୂଆଁଖାଇ ପର୍ବ ପାଇଁ ହାଟରେ ଦେଶୀ କୁକୁଡ଼ା ନେବା ପାଇଁ ଗ୍ରାହକଙ୍କ ଭିଡ଼ ଲାଗି ଥିବା ବେଳେ କୁକୁଡ଼ାର ମୂଲ୍ୟ ଆକାଶ ଛୁଆଁ ହୋଇଛି । ଗୋଟିଏ କୁକୁଡ଼ାର ଦାମ ୫୦୦ ଟଙ୍କାରୁ ଆରମ୍ଭ କରି ୨ହଜାର ଟଙ୍କା ପର୍ଯ୍ୟନ୍ତ ବେପାରୀମାନେ ବିକ୍ରି କରୁଥିବା ଜଣାପଡ଼ିଛି। ଶହେରୁ ଅଧିକ ବର୍ଷର ଏହି ପୁରାତନ ହାଟ ଭାବେ ପରିଚିତ ମାଝୀଗୁଡା ସପ୍ତାହିକ ହାଟ ସପ୍ତାହର ମଙ୍ଗଳବାର ଗୋଟିଏ ଦିନ ବସିଥାଏ । ପର୍ବ ପର୍ବାଣୀ ବିବାହ କାର୍ଯ୍ୟ ପାଇଁ ଏହି ହାଟ ଖାସି ଛେଳି, ମେଣ୍ଡା, ପାରା, ଦେଶୀ କୁକୁଡ଼ା ମାଂସ ପାଇଁ ରାୟଗଡା ଜିଲ୍ଲାରେ ପ୍ରସିଦ୍ଧ । ଏହା ସହିତ ଅତ୍ୟାବଶ୍ୟକୀୟ ସାମଗ୍ରୀ ମଧ୍ୟ ଏଠାରେ ମିଳିଥାଏ। ସେଥିପାଇଁ ଆଖପାଖ ଅଞ୍ଚଳର ଲୋକେ ଏହା ଉପରେ ନିର୍ଭର କରିଥାନ୍ତି। କଳାହାଣ୍ଡି ଜିଲା ଓ ରାଜ୍ୟ ବାହାରୁ ଆନ୍ଧ୍ରପ୍ରଦେଶ ଛତିଶଗଡ଼ ରାୟପୁର ପରି ଅନେକ ସ୍ଥାନରୁ ବ୍ୟବସାୟୀ ମାନେ ଆସି ଛେଳି, ମେଣ୍ଡା, ଗାଈ ଗୋରୁ, କୁକୁଡ଼ା ବିକ୍ରି କରିବା ସହ କିଣି ବେପାର କରିବା ନିର୍ଭର କରଥାନ୍ତି। ପ୍ରତି ମଙ୍ଗଳବାର ଏଠାରେ ଶତାଧିକ ବ୍ୟବସାୟୀ ଓ ହଜାର ହଜାର ଗ୍ରାହକଙ୍କ ସମାଗମ ହୋଇଥାଏ।
Popular Categories
Previous article
Next article