ସମାଜ ଡିଜିଟାଲ ଡେସ୍କ: ଦେଶର ଯୁବବର୍ଗଙ୍କ ପାଇଁ ବିକଶିତ ଭାରତ ଯୋଜନା ଲାଗୁ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଦିଲ୍ଲୀର ଲାଲକିଲାରୁ ପ୍ରଧାନମନ୍ତ୍ରୀ ଏହି ଯୋଜନା ସମ୍ପର୍କରେ ଘୋଷଣା କରିଛନ୍ତି। ଏହା ଦେଶର ଯୁବବର୍ଗଙ୍କ ପାଇଁ ବଡ଼ ଉପହାର ବୋଲି ମୋଦୀ କହିଛନ୍ତି।
ପ୍ରଧାନମନ୍ତ୍ରୀ କହିଥିଲେ, ଆଜି ସ୍ଵାଧୀନତା ଦିବସଠାରୁ ଏହି ଯୋଜନା ଲାଗୁ କରାଯାଉଛି। ଏହା ଅଧୀନରେ ଯୁବବର୍ଗଙ୍କ ପାଇଁ ୧ ଲକ୍ଷ କୋଟି ଟଙ୍କାର ବ୍ୟୟବରାଦ କରାଯାଇଛି। ଏହାଦ୍ଵାରା ଦେଶର ସାଢ଼େ ୩ କୋଟି ଯୁବବର୍ଗଙ୍କୁ ରୋଜଗାର ମିଳିବ ବୋଲି ମୋଦୀ କହିଛନ୍ତି।
