ଭୁବନେଶ୍ୱର ..- ପୁଲୁଓ୍ୱାମା ଆତଙ୍କବାଦୀ ଆକ୍ରମଣ ପରେ ସାରା ଦେଶରେ ପାକିସ୍ତାନ ପ୍ରତି ବିରୋଧ ଆହୁରି ବୃଦ୍ଧି ପାଇଛି । ଅନେକ ଲୋକ ବିଭିନ୍ନ ସୋସିଆଲ୍ ମିଡିଆରେ ଏହାକୁ ବିରୋଧ କରିଛନ୍ତି । ସେନା ଓ ଅର୍ଦ୍ଧସାମରିକ ବଳଙ୍କ ପ୍ରତି ସହାନୁଭୂତି ପ୍ରକାଶ ପାଇଛି । ଏପରି ଏକ ଘଟଣା ରାଜଧାନୀ ଭୁବନେଶ୍ୱରରେ ଦେଖିବାକୁ ମଳିଛି ।
ମଞ୍ଚେଶ୍ୱରରେ ଥିବା ସର୍ବେଶ୍ୱର ପାତ୍ରଙ୍କର ଚା ଦୋକନାରେ ‘ପାକିସ୍ତାନ ମୁର୍ଦାବାଦ’ ‘ହିନ୍ଦୁସ୍ତାନ ଜିନ୍ଦାବାଦ’ କହିଲେ ସେ ଅଧା ଦାମରୁ କମ୍ରେ ଚା ଓ କଫି ଦେଉଛନ୍ତି । ଏପରି କଲେ ୨ ଟଙ୍କାରେ ଚା ଓ ୩ ଟଙ୍କାରେ କଫି ମିଳୁଛି । କେବଳ ରାଜଧାନୀ ଭୁବନେଶ୍ୱର ନୁହେଁ ସାରା ଦେଶରେ ଏପରି ଦେଖିବାକୁ ମିଳୁଛି ।
ନଭି ମୁମ୍ବାଇରେ ‘ଲକି ତାଓ୍ୱା’ ରେଷ୍ଟୁରାଣ୍ଟରେ ପାକିସ୍ତାନ ମୁର୍ଦ୍ଦାବାଦ କହିଲେ ଏହାର ମାଲିକ ସୟଦ ଖାନ୍ ୧୦ ପ୍ରତିଶତ ରିହାତି ଦେଉଛନ୍ତି । ମୁମ୍ବାଇର ‘ଡୋଭସ ରେଷ୍ଟୁରାଣ୍ଟରେ ଏପରି କଲେ ୧୫ ପ୍ରତିଶତ ରିହାତି ମିଳୁଛି । ସେହିପରେ ଗୁଜୁରାଟରେ ଏକ ଟାଇଲ କାରଖାନାରେ ପାକିସ୍ତାନ ଜାତୀୟ ପତାକା ଥିବା ଟାଇଲ୍ ନିର୍ମାଣ କରାଯାଉଛି ।
