ଭଞ୍ଜନଗର : କାଳିଆ ଯୋଜନା ଆଜି ସାରା ଦେଶକୁ ବାଟ ଦେଖାଇଛି । ଏହାଦ୍ବାରା ରାଜ୍ୟର କୃଷକ, କୃଷି ଶ୍ରମିକ ଓ ଭାଗଚାଷୀ ସମସ୍ତେ ଉପକୃତ ହୋଇ ପାରିବେ । ତେବେ ଓଡ଼ିଶାର ସର୍ବାଙ୍ଗୀନ ବିକାଶ ପାଇଁ ଆମ ସରକାର କାର୍ଯ୍ୟ କରୁଛନ୍ତି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି। ଗଞ୍ଜାମର ଭଞ୍ଜନଗର ଠାରେ ବିଭିନ୍ନ ଉନ୍ନୟନ ମୂଳକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିବା ଅବସରରେ ମୁଖ୍ୟମନ୍ତ୍ରୀ ଏହା କହିଛନ୍ତି।
ଦିନିକିଆ ବୌଦ୍ଧ ଓ ଗଞ୍ଜାମ ଗସ୍ତରେ ଯାଇ ମୁଖ୍ୟମନ୍ତ୍ରୀ ବହୁ କୋଟି ଟଙ୍କାର ଉନ୍ନୟନ ମୂଳକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିଛନ୍ତି। ମୁଖ୍ୟମନ୍ତ୍ରୀ, ନବନିର୍ମିତ ଭଞ୍ଜନଗର ବସଷ୍ଟାଣ୍ଡ, ସ୍ବତନ୍ତ୍ର ଉପ-କାରାଗାର ଏବଂ ଭଞ୍ଜନଗର ଟାଉନହଲ ଆଦି ୨୧ କୋଟି ୨୬ ଲକ୍ଷ ଟଙ୍କାର ୩ଟି ପ୍ରକଳ୍ପର ଶୁଭ ଉଦଘାଟନ କରିଛନ୍ତି। ସେହିପରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୮୬ କୋଟି ୬୯ଲକ୍ଷ ଟଙ୍କାର ୨୪ଟି ପ୍ରକଳ୍ପର ଶିଳାନ୍ୟାସ କରିଛନ୍ତି।