ନୂଆଦିଲ୍ଲୀ: ସମ୍ପୂର୍ଣ୍ଣ ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ମଧ୍ୟମ ହାଇସ୍ପିଡ୍ ଟ୍ରେନ୍ ‘ବନ୍ଦେ ଭାରତ’ ଏକ୍ସପ୍ରେସକୁ ପ୍ରଧାନମନ୍ତ୍ରୀ ଉଦଘାଟନ କରିବାର ଦିନକ ପରେ ସେଥିରେ ଯାନ୍ତ୍ରିକ ତ୍ରୁଟି ଦେଖାଦେଇଛି। ଦିଲ୍ଲୀରୁ ଟ୍ରେନଟି ଏହାର ପ୍ରଥମ ଯାତ୍ରା ଆରମ୍ଭ କରିବା ଲାଗି ବାରାଣସୀରୁ ଆସୁଥିବାବେଳେ ଏହି ସମସ୍ୟା ଦେଖାଯାଇଛି। ଶନିବାର ସକାଳେ ଟ୍ରେନ ଦିଲ୍ଲୀ ଅଭିମୁଖେ ବାହାରିଥିଲା। କିନ୍ତୁ ଦିଲ୍ଲୀଠାରୁ ୨୦୦ କି.ମି. ଦୂରରେ ଏହାର ଶେଷ ବଗିର ବ୍ରେକ ଜାମ ହୋଇଯିବା ଫଳରେ ଖଡ଼ଖଡ଼ ଶବ୍ଦ ହୋଇଥିଲା। ପରେ ଶେଷ ୪ଟି ବଗିର ତଳ ଭାଗରୁ ଧୂଆଁ ବାହାରିବା ସହ କିଛି ପୋଡ଼ିଯିବାର ଦୁର୍ଗନ୍ଧ ସୃଷ୍ଟି ହୋଇଥିଲା। ପରେ ସମସ୍ତ ବଗିରୁ ବିଦ୍ୟୁତ ଚାଲିଯାଇଥିଲା। ଟ୍ରେନର ଯନ୍ତ୍ରୀମାନେ ଘଣ୍ଟା ପ୍ରତି ୧୦ କି.ମି. ବେଗରେ ପୁଣି ଟ୍ରେନ ଷ୍ଟାର୍ଟ କରାଇଥିଲେ। ପରେ ବରିଷ୍ଠ ଅଧିକାରୀଙ୍କୁ ଏ ସମ୍ପର୍କରେ ଅବଗତ କରାଯାଇଥିଲା। ପରେ ଟ୍ରେନଟିକୁ ଘଣ୍ଟା ପ୍ରତି ୪୦ କି.ମି. ବେଗରେ ଦିଲ୍ଲୀ ଅଭିମୁଖେ ନିଆଯାଇଥିଲା। ସୂଚନାମୁତାବକ, ‘ବନ୍ଦେ ଭାରତ’ ଏକ୍ସପ୍ରେସ ରବିବାରଠାରୁ ଏହାର ପ୍ରଥମ ଯାତ୍ରା ଆରମ୍ଭ କରିବାର ଥିଲା। ଏଥିପାଇଁ ବହୁ ଯାତ୍ରୀ ଟିକେଟ ବୁକିଂ କରିଛନ୍ତି। କିନ୍ତୁ ଟ୍ରେନରେ ତ୍ରୁଟି ଦେଖାଦେଇଥିବାରୁ ରବିବାର ଏହାର ପ୍ରଥମ ଯାତ୍ରା ନେଇ ଆଶଙ୍କା ପ୍ରକାଶ ପାଇଛି।
Popular Categories
Previous article
Next article