ବଲାଙ୍ଗୀର : ଦୁର୍ବୃତ୍ତଙ୍କ ଗୁଳିମାଡରେ ଜଣେ ଆଖୁ ଚାଷୀ ଆହତ ହୋଇଛନ୍ତି। ଏପରି ଘଟଣା ମଙ୍ଗଳବାର ସନ୍ଧ୍ୟାରେ ବଲାଙ୍ଗୀର ଜିଲା ତୁଷରା ଅନ୍ତର୍ଗତ ସମରା ଗ୍ରାମରେ ଘଟିଛି। ଚାଷୀ ଜଣକ ଆହତ ହୋଇ ବୁର୍ଲା ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଆହତ ଚାଷୀ ହେଉଛନ୍ତି ମଙ୍ଗଳୁ ସେଠ (୬୦)। ଏ ସମ୍ପର୍କରେ ଥାନାରେ ଅଭିଯୋଗ ହୋଇଛି।
ସୂଚନାଯୋଗ୍ୟ ଯେ, ମଙ୍ଗଳୁ ନିଜ ଆଖୁ ବିଲ ଜଗିଥିବା ବେଳେ ୪ଜଣ ବାଇକ ଆରୋହୀ ସେଠାରେ ପହଞ୍ଚି ଥିଲେ। ତାଙ୍କ ଆଖୁ ଖାଇବାକୁ ମାଗିଥିଲେ। କିନ୍ତୁ ମଙ୍ଗଳୁ ସେମାନଙ୍କୁ ଆଖୁ ଦେବାକୁ ମନା କରିବାରୁ ବିବାଦ ସୃଷ୍ଟି ହୋଇଥିଲା। ଯୁବକମାନେ ଏଥିରେ ରାଗି ଯାଇ ତାଙ୍କ ଉପରକୁ ଗୁଳି ଚଳାଇଥିଲେ। ଗୁଳିଟି ମଙ୍ଗଳୁଙ୍କର ଡାହାଣ ଜଙ୍ଘରେ ବାଜିଥିଲା।
