ନୂଆଦିଲ୍ଲୀ: ଦିଲ୍ଲୀର ପଞ୍ଜାବୀ ବାଗ ମନୋହର ପାର୍କ ଅଞ୍ଚଳରେ ରବିବାର ରାତିରେ ଏକ ବିଲ୍ଡିଂର ତୃତୀୟ ମହଲାରେ ଅଗ୍ନିକାଣ୍ଡ ଘଟିଛି। ନିଆଁରେ ପୋଡ଼ି ଜଣେ ନାବାଳକ ଓ ଜଣେ ନାବାଳିକାଙ୍କ ମୃତ୍ୟୁ ଘଟିଛି। ଏଥିସହ ପିଲାଙ୍କୁ ବଞ୍ଚାଇବାକୁ ଉଦ୍ୟମ କରିବା ସମୟରେ ଘର ମାଲିକ ନିଆଁରେ ପୋଡ଼ି ଆହତ ହୋଇଛନ୍ତି। ତାଙ୍କୁ ଆଚାର୍ଯ୍ୟ ଭିକ୍ଷୁ ହସ୍ପିଟାଲରେ ଭର୍ତ୍ତି କରାଯାଇଛି। ଦୁଇ ମୃତକ ହେଉଛନ୍ତି ସାକ୍ଷୀ(୧୪) ଓ ଆକାଶ(୭)। ଆହତଙ୍କ ନାମ ସନ୍ଦୀପ ପାଠକ ବୋଲି ଜଣାପଡ଼ିଛି। ଅଗ୍ନିଶମ ବିଭାଗର ସୂଚନା ଅନୁଯାୟୀ, ରବିବାର ରାତି ୮.୨୧ ସମୟରେ ମନୋହର ପାର୍କ ଅଞ୍ଚଳରେ ଥିବା ଏକ ଘରର ତୃତୀୟ ମହଲାରେ ନିଆଁ ଲାଗିଥିବା ନେଇ ବିଭାଗ ଖବର ପାଇଥିଲା। ସିଲିଣ୍ଡର ରେଗୁଲେଟରରୁ ଗ୍ୟାସ୍ ଲିକ୍ ହୋଇ ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି।
Popular Categories
Previous article
Next article