ପାଟଣା : ଘଟଗାଁ ବ୍ଲକ ଅନ୍ତର୍ଗତ ଢେଙ୍କିକୋଟର ସୁଧୀର ଲୋହାନିଙ୍କ ଘରୁ ଗତରାତିରେ ନଗଦ ଟଙ୍କା ଓ ସୁନା ରୂପା ଅଳଙ୍କାର ଚୋରି ହୋଇଛି। ସୁଧିର ସପରିବାରେ କିଛିଦିନ ହେଲା ଅଯୋଧ୍ୟା ଯାଇଥିବାବେଳେ ଘରର ଚାବି କାଠି ନିଜ ଭାଇ ପଡୋଶୀ ସୁରଜଙ୍କୁ ଦେଇ ଯାଇଥିଲେ । ଆଜି ସକାଳୁ ସୁରଜ ବଡ ଭାଇଙ୍କ ଘର ତାଲା ଭଙ୍ଗା ଯାଇଥିବା ଓ ଚୋରି ହୋଇଥିବା ଦେଖିବା ପରେ ପୁଲିସକୁ ଖବର ଦେଇଥିଲେ । ଘଟଗାଁ ଥାନାଧିକାରୀ ସୁଭ୍ରାନ୍ତ କୁମାର ଜେନା, ଢେଙ୍କିକୋଟ ଫାଣ୍ଡି ଅଧିକାରୀ ତ୍ରିନାଥ ନାଏକ ଘଟଣାସ୍ଥଳକୁ ଯାଇ ତଦନ୍ତ କରିଥିବାବେଳେ ସନ୍ଧାନୀ କୁକୁର ମଧ୍ୟ ଏଠାରେ ବିଫଳ ହୋଇଛି। ତେବେ ସାଇଣ୍ଟିଫିକ୍ ଟିମ୍ ବିଭିନ୍ନ ଚିହ୍ନ ନେଇଥିବା ସୂଚନା ରହିଛି। ସୁଧିରଙ୍କ ଘରର ୨ ଟି କୋଠରୀର ଷ୍ଟିଲ ଆଲମାରୀ ଭଙ୍ଗା ଯାଇଥିବାବେଳେ ନଗଦ ୧ ଲକ୍ଷ ଟଙ୍କା, ପ୍ରାୟ ୮ ଭରି ସୁନା ଓ କିଛି ରୂପା ଅଳଙ୍କାର ଚୋରି ହୋଇଛି।
Comments are closed.