ମାଲାପୁରମ୍: ସ୍ଥାନୀୟ ଅଞ୍ଚଳବାସୀ ଓ ଧାର୍ମିକ ଅନୁଷ୍ଠାନର ବିରୋଧ ସତ୍ତେ୍ୱ ଶାବରୀମାଳା ମନ୍ଦିରରେ ପ୍ରବେଶ କରିଥିବା କନକଦୁର୍ଗାଙ୍କୁ ପରିବାର ତରଫରୁ ବାସନ୍ଦ କରାଯାଇଛି। ଧାର୍ମିକ ସ୍ଥଳରେ ପ୍ରବେଶ କରିବା ପରେ କନକଦୁର୍ଗାଙ୍କୁ ବିଭିନ୍ନ ସମୟରେ ଧମକ ଚମକ ମିଳୁଥିଲା। ତାଙ୍କ ଜୀବନ ପ୍ରତି ବିପଦ ସୃଷ୍ଟି ହୋଇଥିବା ଦର୍ଶାଇ ସେ ସରକାରୀ ସୁରକ୍ଷା ଲୋଡ଼ିଥିଲେ। ସୁପ୍ରିମକୋର୍ଟଙ୍କ ନିର୍ଦେଶ ଆଧାରରେ ତାଙ୍କୁ ୧୦ଜଣିଆ ପୁଲିସ ଟିମ୍ ସୁରକ୍ଷା ଦେଇଆସୁଥିଲେ। ଗତ ୧୫ ତାରିଖରେ ଶାଶୂଙ୍କ ଆକ୍ରମଣର ଶିକାର ହେବା ପରେ ତାଙ୍କୁ କୋଝିକୋଡେ ମେଡିକାଲ୍ କଲେଜ ହସ୍ପିଟାଲ୍ରେ ଚିକିତ୍ସା କରାଯାଉଥିଲା। କନକଦୁର୍ଗା ହିନ୍ଦୁ ସମାଜ ଓ ଆୟାପ୍ପା ଭକ୍ତମଣ୍ଡଳିଙ୍କୁ କ୍ଷମା ପ୍ରାର୍ଥନା ନ କରିବା ପର୍ଯ୍ୟନ୍ତ ପରିବାର ଲୋକ ଗ୍ରହଣ କରିବେ ନାହିଁ ବୋଲି ତାଙ୍କୁ ତାଙ୍କ ଭାଇ ସୂଚନା ଦେଇଥିଲେ। ତେଣୁ ଡାକ୍ତରଖାନାରୁ କନକଦୁର୍ଗାଙ୍କୁ ସରକାରୀ ୱାନ୍ ଷ୍ଟେପ୍ ସେଣ୍ଟରକୁ ପଠାଇ ଦିଆଯାଇଛି।
Popular Categories
Previous article
Next article