ନୂଆଦିଲ୍ଲୀ : ବାଇକ୍ ନିର୍ମାତା କମ୍ପାନୀ ରୟାଲ ଏନଫିଲ୍ଡ ଶେଷରେ ଇଲେକ୍ଟ୍ରିକ୍ କ୍ଷେତ୍ରରେ ପାଦ ଥାପିଛି । କମ୍ପାନୀ ଇଟଲୀର ମିଲାନରେ ହେଉଥିବା EICMA-୨୦୨୪ ଅଟୋ ଶୋରେ ନିଜ ପ୍ରଥମ ଇଲେକ୍ଟ୍ରିକ୍ ବାଇକ ପ୍ରଦର୍ଶିତ କରିଛି । କମ୍ପାନୀ ତରଫରୁ ଏହି ବାଇକର ଫିଚର୍ ସମ୍ପର୍କରେ କୌଣସି ସୂଚନା ଦିଆଯାଇନି । ଆଗାମୀ କିଛି ଦିନରେ ଏହାକୁ ଭାରତୀୟ ବଜାରରେ ଲଞ୍ଚ୍ କରାଯାଇପାରେ । ବାଇକର ଡିଜାଇନ ପୁରୁଣା ମଡେଲ ବା ଆଗ କାଳରେ ଆସୁଥିବା ବାଇକ୍ ଭଳି ହୋଇଛି ଯାହାକି ଏହାକୁ ଅନ୍ୟ ଇଲେକ୍ଟ୍ରିକ୍ ଗାଡିମାନଙ୍କଠୁ ଭିନ୍ନ କରୁଛି ।
ବାଇକରେ ଗର୍ଡର ଷ୍ଟାଇଲ ବିଶିଷ୍ଟ ଫ୍ରଣ୍ଟ ଫୋକର୍ସ ବ୍ୟବହାର କରାଯାଇଛି । ଏହା ବ୍ୟତୀତ ବାଇକରେ ଟଚସ୍କ୍ରିନ୍ ବିଶିଷ୍ଟ ସ୍ପିଡୋମିଟର ଦିଆଯାଇଛି । ବାଇକରେ ନୂଆ ଡିଜାଇନ କରାଯାଇଥିବା ସ୍ବିଚଗିୟର, ଏଲଇଡି ଲାଇଟ୍ସ ମିଳିପାରେ । ଏଥିରେ ଷ୍ଟାର୍ଟ ଓ ଷ୍ଟପ ବଟନ ଦିଆଯାଇଛି । ବାଇକରେ ରୟାଲ ଏନଫିଲ୍ଡ ସହ ଫ୍ଲାଇଂ ଫ୍ଲିର ମଧ୍ୟ ଲୋଗୋ ରହିଛି । ବାଇକର ଫ୍ରଣ୍ଟ୍ ଓ ରିୟରରେ ଡିସ୍କ ବ୍ରେକ୍ ମିଳିବ । ବାଇକ୍ ଉଭୟ ସିଙ୍ଗଲ ଓ ଡୁଆଲ ସିଟ୍ ଭେରିଏଣ୍ଟରେ ଉପଲବ୍ଧ ହେବ । ବାଇକରେ ପତଳା ଟାୟାର ଦିଆଯାଇଛି । ତେବେ ଏହାର ଦାମ୍ ସମ୍ପର୍କରେ କୌଣସି ସୂଚନା ଦେଇନି କମ୍ପାନୀ ।
