ଗୁରୁଡିଝାଟିଆ: ସାମ୍ଭବ୍ୟ ବାତ୍ୟା ‘ଦାନା’ ର ମୁକାବିଲା ପାଇଁ ସବୁ ଜିଲାର ପ୍ରଶାସନ ତତ୍ପରତା ଦେଖାଇଛନ୍ତି। ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଜିରୋ କାଜୁଆଲିଟିକୁ ଗୁରୁତ୍ୱ ଦେଇ ଆଗୁଆ ପଦକ୍ଷେପ ନିଆଯାଉଛି। ସେଥିପାଇଁ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଟାଙ୍ଗି-ଚୌଦ୍ୱାର ବିଡିଓ ହେମନ୍ତ କୁମାର ମହନ୍ତ କଖଡି ସରକାରୀ ଉଚ୍ଚ ବିଦ୍ୟାଳୟ ପରିସରରେ ଥିବା ବାତ୍ୟା ଆଶ୍ରୟସ୍ଥଳର ସ୍ଥିତି ଅନୁଧ୍ୟାନ କରିଛନ୍ତି। ବିପନ୍ନଙ୍କୁ ଏଠାରେ କିଭଳି ରଖାଯାଇପାରିବ ସେ ସଂପର୍କରେ ଅନୁଧ୍ୟାନ କରିଥିଲେ। ବିଡିଓ ଶାସ୍ୱତ କୁମାର ଜେନା ,ସ୍ଥାନୀୟ ସରପଞ୍ଚ କଳ୍ପନା ଛତାର, ଗ୍ରାମପଞ୍ଚାୟତ ନିର୍ବାହୀ ଅଧିକାରୀ ରାହୁଲ ଓରାମ ପ୍ରମୁଖ ଉପସ୍ଥିତ ରହିଥିଲେ। ପ୍ରକାଶଯୋଗ୍ୟ ମହାଳପଡା ପ୍ରାଥମିକ ବିଦ୍ୟାଳୟ ପରିସରରେ ଥିବା ବାତ୍ୟା ଆଶ୍ରୟସ୍ଥଳଟି ଦଶନ୍ଧିରୁ ଊର୍ଦ୍ଧ୍ବ ସମୟ ଧରି ଅଚଳ ହୋଇପଡ଼ିଛି। ପ୍ରଶାସନର ପାରିବାପଣିଆ ଯୋଗୁଁଁ ଏବେ ସେଠାରେ ବିପନ୍ନଙ୍କୁ ରଖାଯାଇପାରିବ ନାହିଁ। ଯାହାକି ଅତ୍ୟନ୍ତ ପରିତାପର ବିଷୟ। ପ୍ରଶାସନ ପକ୍ଷରୁ ବାତ୍ୟା ଆଶ୍ରୟସ୍ଥଳରେ ବିପନ୍ନମାନେ ରହିଲେ ସେମାନଙ୍କୁ କିଭଳି ଶୁଖିଲା ଖାଦ୍ୟ ଯୋଗାଇ ଦିଆଯିବ ସେ ସଂପର୍କରେ ବ୍ଲକ ପ୍ରଶାସନର ଦୃଷ୍ଟି ଦେବା ଜରୁରୀ।
Comments are closed.