କୁଆଁରମୁଣ୍ଡା: ସୁନ୍ଦରଗଡ଼ ଜିଲା ରାଏବଗା ଥାନା ଅନ୍ତର୍ଗତ ସଲଙ୍ଗାବାହାଲ ପଞ୍ଚାୟତ ଭୂୟାଁ ବସ୍ତିର ପଙ୍କଜ ସାହୁଙ୍କ ଦୁଇ ନାବାଳକ ଶିଶୁପୁତ୍ର ଘର ପଛପଟ ଗାଡ଼ିଆରେ ବୁଡ଼ି ପ୍ରାଣ ହରାଇଛନ୍ତି। ମଙ୍ଗଳବାର ଅପରାହ୍ଣରେ ପଙ୍କଜଙ୍କ ୨ ପୁଅ ସୁରଜ (୬) ଏବଂ ସୂର୍ଯ୍ୟାଂଶୁ (୪) ଘରୁ ଟିଫିନ୍ ନେଇ ଖେଳିବା ପାଇଁ ବାହାରିଥିଲେ। ଘରକୁ ନ ଫେରିବାରୁ ପରିବାର ଲୋକେ ଆଖପାଖ ଅଞ୍ଚଳରେ ଖୋଜାଖୋଜି କରିଥିଲେ।
ଘର ପଛପଟେ ଥିବା ବିଲ ଆଡ଼େ ଯାଇ ଦେଖିଲା ବେଳକୁ ଟିଫିନ୍ ଗାଡ଼ିଆ ହୁଡ଼ାରେ ପଡ଼ିଥିଲା ା ଗାଡ଼ିଆରେ ୨ ଶିଶୁ ଭାସୁଥିବା ଦେଖି ପଙ୍କଜ ସେମାନଙ୍କୁ ଜାମ୍ବବାହାଲ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ଡାକ୍ତର ଶିଶୁଦ୍ବୟଙ୍କୁ ମୃତ ଘୋଷଣା କରିଥିଲେ।
Comments are closed.