ଅନୁଗୁଳ : ତାଳଚେର ପୁଲିସ ବୁଧବାର ବିଳମ୍ବିତ ରାତିରେ ସେଣ୍ଟ୍ରାଲ କଲୋନୀ ନିକଟରେ ଏକ ଜୁଆ ଆଡ୍ଡା ଉପରେ ଚଢାଉ କରିଛି। ଏଥିରେ ପୁଲିସ ୫ଜଣ ଜୁଆଡିଆଙ୍କ ସମେତ ୧୫ଟି ମୋଟର ସାଇକେଲ ଓ ୧ଲକ୍ଷ ୮୪ହଜାର ଟଙ୍କା ଜବତ କରିଛି। ସେଠାରେ ୨୫ଜଣ ଜୁଆଡିଆ ଜୁଆ ଖେଳୁଥିବାର ପୁଲିସ ସନ୍ଦେହ କରୁଛି।
ସୂଚନାଯୋଗ୍ୟ ଯେ, ବୁଧବାର ରାତିରେ ତାଳଚେର ପୁଲିସ କୌଣସି ସୂତ୍ରରୁ ଖବର ପାଇ ଜୁଆ ଆଡ୍ଡା ଉପରେ ଚଢାଉ କରିଥିଲା। ଚଢାଉ ସମୟରେ ପୁଲିସ ୫ଜଣଙ୍କୁ ଗିରଫ କରିଥିବା ବେଳେ ଅନ୍ୟମାନେ ଖସି ପଳାଇଥିଲେ। ଅନ୍ୟ ଅଭିଯୁକ୍ତମାନଙ୍କୁ ଖୁବ ଶୀଘ୍ର ଧରାଯିବ ବୋଲି କୋଲିଏରୀ ଥାନାର ଅତିରିକ୍ତ ଦାୟିତ୍ବରେ ଥିବା ସଦର ଥାନା ଅଧିକାରୀ ସୌଭାଗ୍ୟ ସ୍ବାଇଁ ସୂଚନା ଦେଇଛନ୍ତି।
