ଅଙ୍ଗନଓ୍ବାଡି କର୍ମୀଙ୍କୁ ମାଡ଼ ଘଟଣାରେ ୩ ମହିଳା ଗିରଫ

ସମାଜ ଡିଜିଟାଲ ଡେସ୍କ: ବାଲେଶ୍ଵର ଜିଲା ସିଂଲା ଥାନା ଅନ୍ତର୍ଗତ ମହାପଦା ଅଙ୍ଗନଓ୍ବାଡ଼ି କେନ୍ଦ୍ର କର୍ମୀ ଉର୍ମିଳା ସାମଲଙ୍କୁ ଗଛରେ ବାନ୍ଧି ମାଡ଼ ମରାଯିବା ଘଟଣାରେ ୩ ମହିଳାଙ୍କୁ ରବିବାର ଗିରଫ କରିଛି ପୁଲିସ। ମହିଳାଙ୍କୁ ମାଡ଼ ମରାଯିବର ଭିଡିଓ ପ୍ରଘଟ ହେବା ପରେ ଘଟଣା ସାମ୍ନାକୁ ଆସିଥିଲା। ସୁଭଦ୍ରା ଯୋଜନା ପାଇଁ କାମ ନ କରିବାକୁ ଧମକ ଦେଇ କିଛି ଗ୍ରାମବାସୀ ଉର୍ମିଳାଙ୍କୁ ଗଛରେ ବାନ୍ଧି ମାଡ଼ ମାରିଥିଲେ। ଏହା ଜଣାପଡ଼ିବା ପରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଉର୍ମିଳାଙ୍କ ସହିତ କଥା ହୋଇଥିଲେ। ଘଟଣା ସମ୍ପର୍କରେ ଥାନାରେ ଅଭିଯୋଗ ହେବା ପରେ ପୁଲିସ ୩ ମହିଳାଙ୍କୁ ଗିରଫ କରିଛି।