କଟକ: କଲେଜର ଅଧ୍ୟକ୍ଷଙ୍କ ବିରୋଧରେ ମାନସିକ ଓ ଯୌନ ନିର୍ଯାତନା ଭଳି ସଙ୍ଗିନ ଅଭିଯୋଗ। ଅଭିଯୋଗ କରିଛନ୍ତି କଲେଜର ଅଧ୍ୟାପିକା। ଜଣେ କି ଦୁଇ ଜଣ ନୁହନ୍ତି, ୪ ଜଣ ଅଧ୍ୟାପିକା ଏହି ଅଭିଯୋଗ କରିବା ସହ ପୁଲିସର ଦ୍ୱାରସ୍ଥ ମଧ୍ୟ ହୋଇଛନ୍ତି । ଘଟଣାଟି ଘଟିଛି କଟକ ଗୁରୁଡ଼ିଝାଟିଆସ୍ଥିତ ଶ୍ରୀ ଶ୍ରୀ ଧବଳେଶ୍ଵର ମହାବିଦ୍ୟାଳୟରେ । ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିବା ବେଳେ ଯୌନ ନିର୍ଯାତନା ଦିଆଯିବା ନେଇ ଗୁରୁଡ଼ିଝାଟିଆ ଥାନାରେ ଏତଲା ଦାୟର କରିଛନ୍ତି୪ ଜଣ ଅଧ୍ୟାପିକା । ଏନେଇ କଟକ ଗ୍ରାମାଞ୍ଚଳ ଏସପିଙ୍କୁ ପଚାରିବାରୁ ସେ କ୍ୟାମେରା ସାମ୍ନାରେ କିଛି ବି କହିବାକୁ ମନା କରି ଦେଇଛନ୍ତି । ସେପଟେ ଅଧ୍ୟାପିକା ମାନଙ୍କ ଅଭିଯୋଗ ସମ୍ପୂର୍ଣ ମିଥ୍ୟା ଏବଂ ଅଧ୍ୟାପିକାମାନେ ବହୁତ ଦିନ ଧରି ତାଙ୍କ ଅଭିଯୋଗ କରି ଆସୁଛନ୍ତି ଏବଂ ଉଚ୍ଚ ଅଧିକାରୀଙ୍କ ନିକଟରେ ଅଭିଯୋଗ କରିଛନ୍ତି। କିନ୍ତୁ କୌଣସି ତଦନ୍ତରେ ତାଙ୍କ ବିରୁଦ୍ଧରେ ପ୍ରମାଣ ମିଳିନାହିଁ। ଫଳରେ ଏବେ ସେମାନେ ପୋଲିସରେ ଅଭିଯୋଗ କରିଛନ୍ତି ବୋଲି ଅଧ୍ୟକ୍ଷ କହିଛନ୍ତି।
Comments are closed.