ଥିରୁଭାନନ୍ଥପୁରମ୍: ଆସନ୍ତା ଲୋକସଭା ନିର୍ବାଚନରେ କଂଗ୍ରେସ ଏକାକୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ବିଜେପିକୁ ହରାଇପାରିବ ନାହିଁ ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା ଏ କେ ଆଣ୍ଟୋନୀ। ଦଳର କର୍ମକର୍ତ୍ତାଙ୍କ ସହିତ ଆଲୋଚନା ବେଳେ ଆଣ୍ଟୋନୀ କହିଛନ୍ତି ଯେ ଏକାକୀ ଲଢ଼ି ମୋଦୀଙ୍କୁ ହରାଇବା ସ୍ଥିତିରେ କଂଗ୍ରେସ ନାହିଁ। କିନ୍ତୁ ମୋଦୀଙ୍କୁ କ୍ଷମତାଚ୍ୟୁତ କରିବାରେ କଂଗ୍ରେସ ପ୍ରମୁଖ ଭୂମିକା ନିର୍ବାହ କରିବ। କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧୀ ଜଣେ ଶକ୍ତିଶାଳୀ ନେତା ଭାବେ ଉଭା ହୋଇଛନ୍ତି। ସେଥିପାଇଁ ମୋଦୀ ରାହୁଲ୍ଙ୍କୁ ଭୟ କରୁଛନ୍ତି। ଆଗାମୀ ଲୋକସଭା ନିର୍ବାଚନକୁ କୁରୁକ୍ଷେତ୍ର ଯୁଦ୍ଧ ଭାବେ ବର୍ଣ୍ଣନା କରି ଆଣ୍ଟୋନୀ କହିଛନ୍ତି ଯେ ଦେଶକୁ ରକ୍ଷା କରିବା ପାଇଁ ସାମ୍ପ୍ରଦାୟିକ ଶକ୍ତିମାନଙ୍କୁ କ୍ଷମତାରୁ ଦୂରେଇ ରଖିବା ଆବଶ୍ୟକ। ନିର୍ବାଚନରେ କାହାକୁ ଟିକେଟ୍ ମିଳିବା ଉଚିତ ତାହା ଦଳର ନେତା ନିର୍ଣ୍ଣୟ ନ କରି ନିଷ୍ପତ୍ତି ଜିଲା କମିଟି ଚୟନ କରିବା ଆବଶ୍ୟକ।
