ବାଲିଆପାଳ: ବିଭିନ୍ନ ଦାବି ନେଇ ନିଖିଳ ଉତ୍କଳ ସ୍ୱୟଂ ସହାୟକ ଗୋଷ୍ଠୀ ମହିଳା ମହାସଂଘ ପକ୍ଷରୁ ବୁଧବାର ବାଲିଆପାଳ ବ୍ଲକ କାର୍ଯ୍ୟାଳୟ ସମ୍ମୁଖରେ ଏକ ବିରାଟ ଗଣ ବିକ୍ଷୋଭ ଅନୁଷ୍ଠିତ ହୋଇଯାଇଛି। ମହାସଂଘର ସଭାପତି ରଞ୍ଜୁ ଲତା ଗିରିଙ୍କ ନେତୃତ୍ୱରେ ବାଲିଆପାଳ ପୂର୍ତ୍ତ ବିଭାଗ ଡାକ ବଙ୍ଗଳାଠାରୁ ଶହଶହ ମହାସଂଘର ମହିଳା ଏକ ବିରାଟ ଶୋଭାଯାତ୍ରାରେ ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଆସିଥିଲେ। ବ୍ଲକ ସମ୍ମୁଖରେ ଏକ ପଥପ୍ରାନ୍ତ ସଭା ଅନୁଷ୍ଠିତ ହୋଇଥିଲା। ମହାସଂଘର ବାଲେଶ୍ୱର ଜିଲା ସଭାପତି ସାରଦା ଗିରି ଏହି ସଭାରେ ପୌରୋହିତ୍ୟ କରି କହିଥିଲେ ଯେ, କିଛି ମହିଳାଙ୍କୁ ପ୍ରୋତ୍ସାହନ ନ ଦେଇ ସ୍ୱୟଂ ସହାୟକ ଗୋଷ୍ଠୀର ସମସ୍ତ ମାଆମାନଙ୍କୁ ଆର୍ଥିକ ସହାୟତା ବା ଭତ୍ତା ପ୍ରଦାନ କରାଯାଉ ଏବଂ ମିଶନ ଶକ୍ତିର ନିୟମ ଅନୁଯାୟୀ ଦୁଇ ବର୍ଷକୁ ଥରେ କମିଟି ପୁନର୍ଗଠନ କରାଯାଉ। ସମ୍ପାଦିକା ମାଳତୀ ବାରିକ ଯୋଗ ଦେଇ ମହାସଂଘର ସମସ୍ତ ନ୍ୟାର୍ଯ୍ୟ ଦାବି ସରକାର ଯଥାଶୀଘ୍ର ପୁରଣ କରିବାକୁ ଅନୁରୋଧ କରିଥିଲେ। ସଭାକାର୍ଯ୍ୟ ପରେ ମହାସଂଘ ପକ୍ଷରୁ ବିଡିଓ ବିନୋଦ ଚନ୍ଦ୍ର ପଣ୍ଡାଙ୍କୁ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଦାବିପତ୍ର ପ୍ରଦାନ କରାଯାଇଥିଲା। ଏହି ଗଣବିକ୍ଷୋଭରେ ବ୍ଲକର ସମସ୍ତ ପଞ୍ଚାୟତରୁ ବିଭିନ୍ନ ସ୍ବୟଂସହାୟକ ଗୋଷ୍ଠୀର ମହିଳାମାନେ ସାମିଲ ହୋଇଥିଲେ।
Popular Categories
Previous article
Next article