ପିପିଲି : ପୁରୀ ଜିଲାର ପିପିଲି ବ୍ଳକରେ ବ୍ରଏଲର କୁକୁଡାଙ୍କ ଠାରେ ବାର୍ଡ-ଫ୍ଲୁ ରୋଗ ଚିହ୍ନଟ ହେବା ପରେ ଏହା ରାଜ୍ୟର କୁକୁଡା ଚାଷୀଙ୍କ ଚିନ୍ତା ବଢାଇ ଦେଇଛି। ୱେଷ୍ଟବେଙ୍ଗଲ ପୋଲଟ୍ରି ଫେଡେରେସନ ପକ୍ଷରୁ ଓଡିଶାରୁ ପଶ୍ଚିମବଙ୍ଗକୁ କୁକୁଡା ଓ କୁକୁଡା ଜାତ ଦ୍ରବ୍ୟର ରପ୍ତାନୀ ଉପରେ ରବିବାର ରୋକ୍ ଲଗାଯାଇଛି। ଭୋପାଳ ସ୍ଥିତ ନ୍ୟାସନାଲ ଇନ୍ଷ୍ଟିଚ୍ୟୁଟ୍ ଫର ହାଇ ସିକ୍ୟୁରିଟି ଆନିମଲ ଡିଜିଜେସ୍ (ଏନ୍ଆଇଏଚ୍ଏସ୍ଏଡି) ପକ୍ଷରୁ ୨୩ ତାରିଖରେ ପ୍ରକାଶିତ ରିପୋର୍ଟରେ ପିପିଲିର ଆବଲପୁର ଅଞ୍ଚଳରୁ ସଂଗୃହିତ ନମୁନାରେ ଏଚ୍୫ଏନ୍୧ ଏଭିଆନ୍ ଇନ୍ଫ୍ଲୁଏନ୍ଜା ଭାଇରସ ଚିହ୍ନଟ ହେବା ପରେ ଏହି ନିଷ୍ପତ୍ତି ନିଆଯାଇଥିବା ସୂଚନା ମିଳିଛି । ୱେଷ୍ଟବେଙ୍ଗଲ ପୋଲଟ୍ରି ଫେଡେରେସନ ପକ୍ଷରୁ ଉକ୍ତ ରାଜ୍ୟର ସମସ୍ତ ଇଣ୍ଟିଗ୍ରେଟର, କୁକୁଡା ବ୍ୟବସାୟୀ, ଖୁଚୁରା କୁକୁଡା ବ୍ୟବସାୟୀଙ୍କୁ ଏହି ସୂଚନା ଦିଆଯିବା ସହ ଓଡିଶାରୁ କୌଣସି ଜୀବନ୍ତ କୁକୁଡା ଓ କୁକୁଡା ଉତ୍ପାଦ ନଆଣିବା ପାଇଁ ନିର୍ଦ୍ଦେଶ ଦିଆଯାଇଛି। ଏଥିସହ ଏ ଦିଗରେ ସମସ୍ତ ପ୍ରକାର ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି।
Related Posts
Comments are closed.