କୋଲକାତା : କୋଲକାତାରେ ମହିଳା ଡାକ୍ତରଙ୍କୁ ଗଣଦୁଷ୍କର୍ମ ପରେ ହତ୍ୟା ମାମଲାକୁ ନେଇ ସାରା ଦେଶରେ ବିରୋଧ ପ୍ରଦର୍ଶନ କରାଯାଉଛି । କୋଲକାତାରେ ମହିଳାମାନେ ରାସ୍ତାକୁ ଓହ୍ଲାଇଆସି ବିରୋଧ ପ୍ରଦର୍ଶନ କରୁଛନ୍ତି । ବୁଧବାର ରାତିରେ ‘ରିକ୍ଲେମ ଦ ନାଇଟ’ ନାଁରେ ବିରୋଧ ପ୍ରଦର୍ଶନରେ ମହିଳାମାନେ ମହମବତୀ ଶୋଭାଯାତ୍ରାରେ ବାହାରିଥିବା ସମୟରେ ଅଚାନକ ଅନେକ ସଂଖ୍ୟାରେ ଯୁବକ ଆସି ସେଠାରେ ତାଣ୍ଡବ କରିଥିଲେ । କୋଲକାତାର ସରକାରୀ ଆରଜି କର ମେଡିକାଲ କଲେଜ ଓ ହସ୍ପିଟାଲ ପରିସରରେ ଭଙ୍ଗାଭଙ୍ଗି କରିଥିଲେ । ବ୍ୟାରିକେଡ୍ ଭାଙ୍ଗି ଏମରଜେନ୍ସି ବିଭାଗ ଭିତରେ ପଶି ସବୁ କିଛି ଭଙ୍ଗାରୁଜା କରିଥିଲେ ।
RG Kar is being attacked by a mob of 1000s on the night of INDEPENDENCE! This is happening right under the eyes of the officials. Students and residents are scared for their lives and they’re apparently here to vandalize the floor of the crime scene! #rgkarincident #KolkataDoctor pic.twitter.com/HGHpTixrvN
— Orooj (@AzmidoThymidine) August 14, 2024
ପୁଲିସ ସୂଚନା ଅନୁସାରେ ପ୍ରାୟ ୪୦ ଜଣ ଯୁବକ ବିକ୍ଷୋଭ ପ୍ରଦର୍ଶନକାରୀ ରୂପେ ହସ୍ପିଟାଲ ପରିସରରେ ପଶି ଅନେକ ଟଙ୍କାର କ୍ଷୟକ୍ଷତି କରିଥିଲେ ଏବଂ ପୁଲିସ ଉପରକୁ ପଥରମାଡ କରିଥିଲେ । ଏହା ପରେ ପୁଲିସକୁ ଲୁହ ବୁହା ଗ୍ୟାସ୍ ଛାଡିବାକୁ ପଡିଥିଲା । ଘଟଣାରେ ଅନେକ ପୁଲିସକର୍ମୀ ଆହତ ହୋଇଛନ୍ତି । ହସ୍ପିଟାଲ ଭିତରେ ଥିବା ରୋଗୀ ଏବଂ କିଛି ଡାକ୍ତର ଗୁରୁତର ହୋଇଛନ୍ତି । ପୁଲିସ ଗାଡି ମଧ୍ୟ କ୍ଷତିଗ୍ରସ୍ତ ହୋଇଛି ।
Mob attacked protesting doctors in #RGKarMedicalcollege !
Complete failure of Police and Bengal government. Central forces must be deployed immediately.🙏#Kolkata #KolkataDoctor #IndependenceDay2024
pic.twitter.com/cyHc8Q8Nn3— Dr. B L Bairwa MS, FACS (@Lap_surgeon) August 15, 2024
‘ରିକ୍ଲେମ ଦ ନାଇଟ’ ଅଭିଯାନ ଅନୁସାରେ ବିରୋଧ ପ୍ରଦର୍ଶନ ରାତି ୧୧ଟା ୫୫ ମିନିଟରେ ଆରମ୍ଭ ହୋଇଥିଲା । ସାମାଜିକ ଗଣମାଧ୍ୟମ ଜରିଆରେ ଜୋର ଧରିଥିବା ଏହି ଅଭିଯାନ କୋଲକାତାର ଅନେକ ଐତିହାସିକ ସ୍ଥଳ ସମେତ ଛୋଟ ବଡ ସହରର ପ୍ରମୁଖ କ୍ଷେତ୍ରକୁ ବ୍ୟାପିଯାଇଛି । ରିକ୍ଲେମ ଦ ନାଇଟ ନାଁରେ ମହିଳା ମୁକ୍ତି ଆନ୍ଦୋଳନ ୧୯୭୭ ମସିହାରେ ଇଂଲଣ୍ଡର ଲିଡ୍ସରେ ଆରମ୍ଭ ହୋଇଥିଲା । ଇଂଲଣ୍ଡର ଜଣେ ମହିଳାଙ୍କ ହତ୍ୟା ପରେ ବିରୋଧ ପ୍ରଦର୍ଶନ ଆରମ୍ଭ ହୋଇଥିଲା । ଏହା ପରେ ପୁଲିସ ମହିଳାମାନଙ୍କୁ ଘରୁ ନବାହାରିବାକୁ ପରାମର୍ଶ ଦେଇଥିଲା । ଏହା ବିରୁଦ୍ଧରେ ‘ରିକ୍ଲେମ ଦ ନାଇଟ’ର ଆହ୍ବାନ ଦିଆଯାଇଥିଲା ।
डॉक्टर्स को मारने
ट्रक्स में भरकर भेजे गए थे दंगाई…..क्या अब भी कोई शक है कि ये हमला सुनियोजित नहीं था#Kolkata #KolkataDoctor#IndependenceDayIndia
#यह_आज़ादी_झूठी_है#IndianIndependenceDay pic.twitter.com/biHgqI6jTz— जय तिवारी ‘अयोध्यावासी’ (@jaikant_tiwari) August 15, 2024
