ଘରେ ବସି ମଗାନ୍ତୁ ବିଏସଏନଏଲ୍ ସିମ୍, ଜାଣନ୍ତୁ ପ୍ରକ୍ରିୟା

ନୂଆଦିଲ୍ଲୀ : ଭାରତ ସରକାରଙ୍କ ଟେଲିକମ୍ କମ୍ପାନୀ ବିଏସଏନଏଲ୍ ସାରା ଦେଶରେ ନିଜ ୪ଜି ସେବା ଆରମ୍ଭ କରୁଛି ଏବଂ ଏହା ସହିତ ୫ଜି ନେଟଓ୍ବର୍କ ଉପରେ ମଧ୍ୟ କାମ ଆରମ୍ଭ କରିଦେଇଛି । ନିକଟରେ କେନ୍ଦ୍ରମନ୍ତ୍ରୀ ଜ୍ୟେତିରାଦିତ୍ୟ ସିନ୍ଧିଆ ଅକ୍ଟୋବର ଶେଷ ସୁଦ୍ଧା ୮୦ ହଜାର ଟାଓ୍ବାର ଲଗାଇବା ନେଇ ସୂଚନା ଦେଇଥିଲେ । ୪ଜି ନେଟଓ୍ବର୍କରେ ମଧ୍ୟ ୫ଜି ସେବା ବ୍ୟବହାର କରାଯାଇପାରିବ ଏବଂ ଟାଓ୍ବାରରେ ୫ଜି ସେବା ପାଇଁ ଜରୁରି ପରିବର୍ତ୍ତନ କରିବା କାମ ଚାଲିଥିବା ସେ ସୂଚନା ଦେଇଥିଲେ ।

ନିକଟରେ ଅନ୍ୟ ଟେଲିକମ୍ କମ୍ପାନୀମାନେ ନିଜ ରିଚାର୍ଜ ଦାମ୍ ବଢାଇବା ପରେ ବିଏସଏନଏଲର ଚାହିଦା ବଢିବାରେ ଲାଗିଛି। ଜୁଲାଇ ମାସରେ ଆନ୍ଧ୍ରପ୍ରଦେଶରେ ୨,୧୭,୦୦୦ ବିଏସଏନଏଲ୍ ସିମ୍ କାର୍ଡ ଜାରି ହୋଇଛି । ଯଦି ଆପଣ ମଧ୍ୟ ବିଏସଏନଏଲ୍ ସିମ୍ ପାଇବାକୁ ଚାହୁଁଛନ୍ତି ତେବେ ଘରେ ବସି ଏହା ମଗାଇପାରିବେ । ଏଥିପାଇଁ ଭିଡରେ ଲାଇନ ଲଗାଇବା ଦରକାର ନାହିଁ । ଜାଣନ୍ତୁ କେମିତି ମଗାଇପାରିବେ ସିମ୍..

ପ୍ରଥମେ ଓ୍ବେବସାଇଟକୁ ଯାଆନ୍ତୁ..  https://prune.co.in/

ସିମ୍ କାର୍ଡ କ୍ରୟ ବଟନ ଉପରେ କ୍ଲିକ୍ କରନ୍ତୁ ।

ଅପରେଟର ରୂପେ ବିଏସଏନଏଲ୍ ଚୟନ କରନ୍ତୁ । ଏହା ପରେ ନିଜ ପସନ୍ଦର ଏଫଆରସି ପ୍ଲାନ୍ ଚୟନ କରନ୍ତୁ ।

ଜରୁରି ସୂଚନା ଓ ଓଟିପି ଦିଅନ୍ତୁ । ଓ୍ବେବସାଇଟରେ ଦିଆଯାଇଥିବା ସମସ୍ତ ସୂଚନା, ଯଥା ନାଁ, ଠିକଣା ଓ ଫୋନ୍ ନମ୍ବର ଦିଅନ୍ତୁ । ଏହା ପରେ ଓ୍ବେବସାଇଟ ଦ୍ବାରା ଦିଆଯାଇଥିବା ଓଟିପି ଭରନ୍ତୁ ।

ଶେଷରେ ନିଜ ଡେଲିଭରୀ ଠିକଣା ଦିଅନ୍ତୁ ଏବଂ ବାକି ନିର୍ଦ୍ଦେଶାବଳୀ ପାଳନ କରନ୍ତୁ । ଏହା ପରେ ପେମେଣ୍ଟ ସୂଚନା ଦିଅନ୍ତୁ ଏବଂ ସ୍ପଷ୍ଟ କରନ୍ତୁ ।

ଆପଣଙ୍କ ସିମ୍ ଆଗାମୀ ୯୦ ମିନିଟରେ ଆପଣଙ୍କ ଘରେ ପହଞ୍ଚିଯିବ । ସିମ୍ କାର୍ଡ ତୁରନ୍ତ ଚାଲୁ ହୋଇଯିବ ଏବଂ ଘେର ହିଁ ଆପଣଙ୍କ କେଓ୍ବାଇସି ହୋଇଯିବ । ବର୍ତ୍ତମାନ ଏହି ସୁବିଧା କେବଳ ହରିୟାଣା ଏବଂ ଉତ୍ତର ପ୍ରଦେଶରେ ମିଳୁଛି । ଧିରେ ଧିରେ ସାରା ଦେଶରେ ଏହି ସୁବିଧା ଲାଗୁ ହୋଇଯିବ ।