ବୁର୍ଲା : ବୁର୍ଲା ରକ୍ତ ଭଣ୍ଡାରରେ ରକ୍ତର ଅଭାବ। ହନ୍ତସନ୍ତ ହେଉଛନ୍ତି ରୋଗୀ ଓ ସମ୍ପର୍କୀୟ। ଜଣେ ଗୁରୁତର ରୋଗୀଙ୍କ ପାଇଁ ଏକ ୟୁନିଟ୍ ରକ୍ତ ଦାନ କରିବାକୁ ସ୍ବେଚ୍ଛାସେବୀ ଅନୁଷ୍ଠାନ ‘ଅନମୋଲ’ର ପ୍ରତିଷ୍ଠାତା ନୀତିଶ ନାଗ ରକ୍ତ ବ୍ୟାଙ୍କକୁ ଯାଇଥିଲେ। ସେ ଜାଣିବାକୁ ପାଇଲେ ଯେ ବୁର୍ଲା ରକ୍ତ ଭଣ୍ଡାରରେ ରକ୍ତ ଅଭାବ ଲାଗି ରହିଛି ଏବଂ ଏହି କାରଣରୁ ଅନେକ ରୋଗୀ ଯନ୍ତ୍ରଣା ଭୋଗୁଛନ୍ତି। ସେ ରୋଗୀଙ୍କୁ ଦେଖିଲେ ଯେଉଁମାନେ ଦୂରରୁ ଆସୁଛନ୍ତି ସେମାନେ ରକ୍ତ ପାଇଁ ସମସ୍ୟାର ସମ୍ମୁଖୀନ ହେଉଛନ୍ତି। ସେ ରକ୍ତ ଭଣ୍ଡାର ବାହାରେ ମଧ୍ୟ ଶୁଣିଥିଲେ ଯେ, ନିର୍ବାଚନ ପୂର୍ବରୁ ଏବଂ ପରେ ରକ୍ତଦାନ ଶିବିର ସେତେ ମାତ୍ରାରେ ଆୟୋଜନ ହେଉ ନ ଥିବା ଯୋଗୁଁ ରକ୍ତର ଅଭାବ ଲାଗି ରହିଛି। ନିର୍ବାଚନୀ ମହୋଲ ସରଗରମ ହୋଇ ରହିଥିବାବେଳେ ଭିମସାର ରକ୍ତ ଭଣ୍ଡାର ଶିଥିଳ ହୋଇ ଖାଲି ହୋଇ ରହିଥିଲା, ଯାହାକି ବର୍ତ୍ତମାନ ସୁଦ୍ଧା ଜାରି ରହିଛି। ଫଳରେ ରକ୍ତ ସଙ୍କଟ ନାହିଁ ନ ଥିବା ସମସ୍ୟା ସୃଷ୍ଟି କରୁଛି।
କାଜୁଆଲିଟି ୱାର୍ଡରେ ରୋଗୀଙ୍କ ପାଇଁ ଶୀଘ୍ର ରକ୍ତ ଆବଶ୍ୟକତା ପୂରଣ ସମୟରେ ଡାକ୍ତରମାନେ ସହାୟତା କରୁନାହାନ୍ତି ଏବଂ ଏହି କାରଣରୁ ରୋଗୀଙ୍କ ସମ୍ପର୍କୀୟମାନେ ୩ ଥର ଆଶୁଚିକିତ୍ସ ବିଭାଗରୁ ରକ୍ତ ଭଣ୍ଡାର ଦୌଡ଼ି ଦୌଡ଼ି ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ସେ ସନ୍ଧ୍ୟା ୫ରୁ ୯ଟା ମଧ୍ୟରେ ଦେଖିଲେ କର୍ମଚାରୀଙ୍କ ବଦଳି ହେତୁ କର୍ମଚାରୀଙ୍କ ଅଭାବ ମଧ୍ୟ ରହିଛି। ଏହି ସବୁ କାରଣ ପାଇଁ ପ୍ରଶାସନ ଦାୟୀ ଏବଂ ଏଥିପାଇଁ ପ୍ରଶାସନ ଆବଶ୍ୟକ ପଦକ୍ଷେପ ନେବା ଉଚିତ୍ ବୋଲି ନୀତିଶ ନାଗ ଗୁରୁତର ଅଭିଯୋଗ ଆଣିଛନ୍ତି।
Comments are closed.