ସମାଜ ଡିଜିଟାଲ ଡେସ୍କ: ଅନେକ ଲୋକ ଦ୍ରୁତଗତିରେ ଗାଡ଼ି ଚଳାଇବାକୁ ପସନ୍ଦ କରନ୍ତି। ହାଇଓ୍ବେ କିମ୍ବା ଏକ୍ସପ୍ରେସଓ୍ବେ କଥା ଆସିଲେ ଖୁସି କହିଲେ ନ ସରେ। କିନ୍ତୁ ଯେତେବେଳେ ସବୁଠୁ କମ ଜାଗାରେ ୪ ଚକିଆ ଯାନ ପାର୍କିଂ କରିବାକୁ ପଡ଼ିଥାଏ ସେତେବେଳେ ଲୋକଙ୍କ ଚିନ୍ତା ବଢ଼ିଯାଏ। ଏପରି ସ୍ଥଳରେ ଲୋକଙ୍କ ପ୍ରକୃତ ଡ୍ରାଇଭିଂ କୌଶଳ ସାମ୍ନାକୁ ଆସିଥାଏ। କିନ୍ତୁ ପାର୍କିଂ ବେଳେ ସାମାନ୍ୟ ଅସାବଧାନତା ହେଲେ ଗାଡ଼ିର କ୍ଷତି ହେବା ନିଶ୍ଚିତ। କିନ୍ତୁ ସାମାଜିକ ଗଣମାଧ୍ୟମରେ ଏପରି ଏକ ଭିଡିଓ ଦେଖିବାକୁ ମିଳିଛି, ଯେଉଁଥିରେ ଜଣେ ଡ୍ରାଇଭରଙ୍କ ପାର୍କିଂ କୌଶଳ ଆପଣଙ୍କୁ ଚକ୍କିତ କରିବ।
Next level park. 😂
— Figen (@TheFigen_) July 14, 2024
ଭିଡିଓରେ ଦେଖିପାରିବେ ଯେ, ଜଣେ ବ୍ୟକ୍ତି ନିଜ କାରକୁ ପଛ ଗିୟର ପକାଇ ପାର୍କିଂ କରୁଛନ୍ତି। ମାତ୍ର ପାର୍କିଂ ପାଇଁ ସ୍ଵଳ୍ପ ଜାଗା ରହିଛି। ସେହି ଅଳ୍ପ ଜାଗା ଭିତରେ ଡ୍ରାଇଭର ଜଣକ ବିନା ଦ୍ଵିଧାରେ ଦୁଇଟି ଗାଡ଼ି ମଝିରେ ନିଜ କାରକୁ ନେଇ ପାର୍କ କରୁଛନ୍ତି। ଡ୍ରାଇଭର ଜଣକ ଅତି ଆରାମରେ ଧୈର୍ଯ୍ୟର ସହିତ ଗାଡ଼ିକୁ ପାର୍କ କରିଥିଲେ। ଯେକେହି ଏହି ଭିଡିଓକୁ ଦେଖିବେ କିଛି କ୍ଷଣ ପାଇଁ ତାଙ୍କ ଆଖି ଲାଖିଯିବ ନିଶ୍ଚୟ। ଏହି ଭିଡିଓ ଉପରେ ଅନେକ ଲୋକେ ଭିନ୍ନ ଭିନ୍ନ କମେଣ୍ଟ କରିଛନ୍ତି। ଜଣେ ଲେଖିଛନ୍ତି- ସ୍ଵତନ୍ତ୍ର ସ୍ତରର ପାର୍କିଂ।
Comments are closed.