ହରଭଙ୍ଗା : ହରଭଙ୍ଗା ବ୍ଲକ ଅନ୍ତର୍ଗତ କୁସଙ୍ଗରେ କାଳ ବୈଶାଖୀ ପ୍ରଭାବରେ ଘର ଦ୍ୱାର ଭାଙ୍ଗିବା ସହିତ ଗଛ ପଡ଼ି ବ୍ୟାପକ କ୍ଷୟକ୍ଷତି ଘଟିଛି। ସୂଚନା ଅନୁସାରେ, ଗୁରୁବାର କାଳ ବୈଶାଖୀ ପ୍ରଭାବରେ ଭଗମୁଣ୍ଡା ଗ୍ରାମର ତପନ ମୁଣ୍ଡି, ରଞ୍ଜନ ମୁଣ୍ଡିଙ୍କ ଚାଳଛପର ଘର ଭାଙ୍ଗିଥିବା ଜଣାପଡିଛି। ସେହିପରି କୁସଙ୍ଗ ହାଇସ୍କୁଲର ସୋଲାର ପ୍ୟାନେଲଗୁଡିକ ଭାଙ୍ଗି ତଳେ ପଡ଼ିଥିବା, ସ୍କୁଲ ପରିସରରେ ଥିବା ଗଛ ଭାଙ୍ଗି ପଡ଼ିଥିବା ଦେଖିବାକୁ ମିଳିଛି। ଏହା ସହିତ ହରଭଙ୍ଗା ପଂଚାୟତର ହରଭଙ୍ଗା, ଡିଆଁଘାଟ, ସୁରୁଣ୍ଡି, ଭେଜିଗୁଡା ଅଞ୍ଚଳରେ ଲୋକଙ୍କ ଘରଦ୍ୱାର ଭାଙ୍ଗି ବ୍ୟାପକ କ୍ଷୟକ୍ଷତି ଘଟିଛି। ତୁରନ୍ତ କ୍ଷୟକ୍ଷତି ଆକଳନ କରି କ୍ଷତିପୂରଣ ଯୋଗାଇଦେବାକୁ ଦାବୀ ହେଉଛି।
ସେହିପରି କୁସଙ୍ଗ ଗ୍ରାମରେ ଗୁରୁବାର ବଜ୍ରପାତରେ ଆଲୋକ ସାହୁ(୨୦) ନାମକ ଜଣେ ଯୁବକ ଗୁରୁତର ଆହାତ ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ପୁରୁଣା କଟକ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଚିକିତ୍ସା ପରେ ସେ ସୁସ୍ଥ ହୋଇ ଘରକୁ ଫେରିଥିବା ଜଣାପଡିଛି।
Comments are closed.