ବାଲିଆପାଳ: ବାଲିଆପାଳ ବ୍ଲକ ଦେଉଳା ପଞ୍ଚାୟତରେ ବର୍ଷ ବର୍ଷ ଧରି ୪୦ରୁ ଉର୍ଦ୍ଧ୍ୱ ଗରିବ ନିରୀହ ଆଦିବାସୀଙ୍କ ଖାତାରୁ ଜାଠିଆ ଗ୍ରାମର ରିଟେଲର ଚୈତନ୍ୟ ମାଝୀ ଲକ୍ଷ ଲକ୍ଷ ଟଙ୍କାର ଚାଉଳ ଲୁଟ ଘଟଣାରେ ବାଲେଶ୍ୱର ଉପଜିଲ୍ଲାପାଳ ସଂପୃକ୍ତ ରିଟେଲରଙ୍କୁ ନିଲମ୍ବିତ କରିଛନ୍ତି।
ଉପଜିଲାପାଳଙ୍କ ଚିଠି ନମ୍ବର ୫୭ ତା ୨୨.୪.୨୪ ରିଖ ଅନୁଯାୟୀ ରିଟେଲର ଚୈତନ୍ୟ ମାଝୀଙ୍କୁ ନିଲମ୍ବନ କରାଯିବା ସହ ପାଖ ରିଟେଲର ବିଜୟ ବେହେରାଙ୍କୁ ଟ୍ୟାଗରେ ରେସନ ସାମଗ୍ରୀ ଦେବାପାଇଁ ନିର୍ଦ୍ଦେଶ ଦିଆଯାଇଛି। ସେହିପରି ରିଟେଲରଙ୍କୁ ୩ଦିନ ମଧ୍ୟରେ ଏହାର କାରଣ ଦର୍ଶାଓ ନୋଟିସ ଜାରି କରାଯାଇଥିବା ବେଳେ ହଡପ ଚାଉଳ ଫେରାଇବା ପାଇଁ ନିର୍ଦ୍ଦେଶ ଦିଆଯାଇଥିବା କୁହାଯାଇଛି।
- Advertisement -
ରିଟେଲରଙ୍କ ବିରୋଧରେ ବିଭାଗ ପକ୍ଷରୁ ଆଇନଗତ ମାମଲା ରୁଜ୍ଜୁ କରାଯିବ ବୋଲି ବାଲିଆପାଳ ଯୋଗାଣ ଅଧିକାରୀ ଅମ୍ବିକା ପ୍ରସାଦ ରଥ କହିଛନ୍ତି। ତେବେ ହିତାଧିକାରୀମାନେ ହଡପ ଚାଉଳ ଯଥାଶୀଘ୍ର ଯୋଗାଇ ଦେବା ପାଇଁ ପ୍ରଶାସନ ନିକଟରେ ଦାବି କରିଛନ୍ତି।
