ଡେସ୍କ: ଭାରତୀୟ ତଟରକ୍ଷୀ ବାହିନୀ (ଆଇସିଜି) ପୋରବନ୍ଦରଠାରୁ ପ୍ରାୟ ୫୦ କିଲୋମିଟର ଦୂର ମଧ୍ୟ ସମୁଦ୍ରରେ ବୁଡ଼ି ଯାଉଥିବା ଭାରତୀୟ ମାଛଧରା ଡଙ୍ଗାରୁ ୫ ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରିଛି। ଜରୁରୀକାଳୀନ ଏସଓଏସ୍ କଲର ଜବାବରେ ଆଇସିଜି ଏହି ପଦକ୍ଷେପ ନେଇଛି। ଆଇସିଜି ଜାହାଜ ସି-୧୬ ଖୁବ୍ ଶୀଘ୍ର ମାଛ ଧରା ଡଙ୍ଗା ନିକଟରେ ପହଞ୍ଚି ଉଦ୍ଧାର ଓ ସହାୟତା ଅଭିଯାନ ଆରମ୍ଭ କରିଥିଲା।
ମାଛଧରା ଡଙ୍ଗାଟି ପୋରବନ୍ଦରଠାରୁ ୧୨ କିଲୋମିଟର ଦୂରରେ ବୁଡ଼ି ଯାଇଥିଲା। ଆଇସିଜି ଜାହାଜ ସମସ୍ତ ୫ ଜଣ କ୍ରୁ ସଦସ୍ୟଙ୍କୁ ଉଦ୍ଧାର କରିବା ସହ ସେମାନଙ୍କୁ ଚିକିତ୍ସା ସହାୟତା ଯୋଗାଇ ଦେଇଥିଲା।
ଏହା ପୂର୍ବରୁ ମାର୍ଚ୍ଚ ୨୦ ତାରିଖରେ କର୍ଣ୍ଣାଟକର କୁଣ୍ଡାପୁରା ଉପକୂଳରେ ବିପର୍ଯ୍ୟୟ ଖବର ପାଇବା ପରେ ଭାରତୀୟ ତଟରକ୍ଷୀ ବାହିନୀ ଏକ ଡଙ୍ଗାରୁ ୮ ଜଣ କର୍ମଚାରୀଙ୍କୁ ଉଦ୍ଧାର କରିଥିଲା।
Comments are closed.