ନୂଆଦିଲ୍ଲୀ : ଆର୍ଥିକ ବର୍ଷ ୨୦୨୩-୨୪ ର ଶେଷ ମାସ ଅର୍ଥାତ୍ ମାର୍ଚ୍ଚ ମାସ ଆଉ କିଛି ଦିନ ପରେ ଶେଷ ହୋଇଯିବ । ଏହି ମାସରେ ଆପଣଙ୍କୁ ଅନେକ ଜରୁରି କାମ ସାରିବାକୁ ପଡିବ । ଆସନ୍ତୁ ଜାଣିବା…
୧ . ସୁକନ୍ୟା ଏବଂ ପିପିଏଫରେ ଜମା କରିବାକୁ ହେବ ସର୍ବନିମ୍ନ ରାଶି
ପବ୍ଲିକ୍ ପ୍ରୋଭିଡେଣ୍ଟ ଫଣ୍ଡ(ପିପିଏଫ୍) ଏବଂ ସୁକନ୍ୟା ସମୃଦ୍ଧି ଯୋଜନା(ଏସଏସଓ୍ବାଇ) ଆକାଉଣ୍ଟକୁ ଚାଲୁ ରଖିବା ପାଇଁ ଏଥିରେ ସର୍ବନିମ୍ନ ନିବେଶ କରିବାକୁ ହେବ । ୩୧ ମାର୍ଚ୍ଚ ୨୦୨୪ ସୁଦ୍ଧା ପିପିଏଫ ଏବଂ ଏସଏସଓ୍ବାଇରେ ପଇସନା ନରଖିଲେ ଆକାଉଣ୍ଟ ବନ୍ଦ ହୋଇଯିବ । ତେଣୁ ଏଥିରେ ସର୍ବନିମ୍ନ ଯଥାକ୍ରମେ ୫୦୦ ଏବଂ ୨୫୦ ଟଙ୍କା ଜମା କରିବାକୁ ପଡିବ ।
୨. ପେଟିଏମ୍ ଓ୍ବାଲେଟରେ ଜମା ହେବନି ପଇସା
୧୫ ମାର୍ଚ୍ଚ ପରେ ପେଟିଏମ୍ ଓ୍ବାଲେଟରେ ଜମା କରିହେବନି । ତେଣୁ ଯଦି ଆପଣଙ୍କ ପାଖରେ ପେଟିଏମର ଫାଷ୍ଟ୍ୟାଗ୍ ଅଛି ତେବେ ଆପଣଙ୍କୁ ଏହାକୁ ବଦଳାଇବାକୁ ପଡିବ । ଆପଣ ଏପରି ନକରିବା ଫଳେ ଦୁଇଗୁଣା ଟୋଲ୍ ଦେବାକୁ ପଡିପାରେ । ତେବେ ୨୯ ଫେବୃୟାରୀ ପୂର୍ବରୁ ଆପଣ ଯେଉଁ ପଇସା ପେଟିଏମ୍ ଓ୍ବାଲେଟରେ ଯୋଡିବେ ତାକୁ ଆପଣ ୨୯ ଫେବୃୟାରୀ ପରେ ମଧ୍ୟ ଖର୍ଚ୍ଚ କରିପାରିବେ ।
୩. ଫାଷ୍ଟ୍ୟାଗ୍ କେଓ୍ବାଇସି
ଯଦି ଆପଣ ନିଜ କାରର ଫାଷ୍ଟ୍ୟାଗର ବ୍ୟାଙ୍କରୁ କେଓ୍ବାସି ଅପଡେଟ୍ କରାଇନାହାଁନ୍ତି ତେବେ ଆଜି ହିଁ କରାଇନିଅନ୍ତୁ । କାରଣ ୩୧ ପରେ ବିନା କେଓ୍ବାଇସି ବିଶିଷ୍ଟ ଫାଷ୍ଟ୍ୟାଗ୍ ବ୍ୟାଙ୍କ ଡିଆକ୍ଟିଭେଟ୍ ବା ବ୍ଲାକଲିଷ୍ଟ କରିଦେବ । ଏହା ପରେ ସେଥିରେ ବାଲାନ୍ସ ଥିଲେ ମଧ୍ୟ ତାହା କାମ କରିବନି ।
୪. ଏସବିଆଇର ଅମୃତ କଳସ ସ୍କିମରେ ନିବେଶ
ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ଖାସ୍ ଫିକ୍ସ୍ଡ ଡିପୋଜିଟ୍ ସ୍କିମ ଅମୃତ କଳସ ଚଳିତ ମାସ ୩୧ ମାର୍ଚ୍ଚରେ ଶେଷ ହେବାକୁ ଯାଉଛି । ତଦନୁସାରେ ବରିଷ୍ଠ ନାଗରିକଙ୍କୁ ୭.୬ ପ୍ରତିଶତ ଏବଂ ଅନ୍ୟମାନଙ୍କୁ ୭.୧ ପ୍ରତିଶତ ବାର୍ଷିକ ସୁଧ ଦିଆଯାଉଛି । ଏହି ଫିକ୍ସ୍ଡ ଡିପୋଜିଟ ସ୍କିମରେ ୪୦୦ ଦିନ ପାଇଁ ନିବେଶ କରିବାକୁ ହୋଇଥାଏ ।
Comments are closed.