ଆଠଗଡ: ଆଠଗଡ ସହର ନିକଟବର୍ତ୍ତୀ ରାଧାପତିପୁର ଗ୍ରାମରେ ଏକ ଖୋଲାକୂଅରେ ପଡିଯାଇଥିବା ଏକ ହରିଣକୁ ବନବିଭାଗ ପକ୍ଷରୁ ଉଦ୍ଧାର କରାଯାଇଥିବା ଜଣାପଡିଛି। କୂଅରେ ଏକ ହରିଣ ପଡି ପହଁରୁ ଥିବା ଦେଖି ଗ୍ରାମବାସୀ ଖବର ଦେବା ପରେ ରେଞ୍ଜର ରବିନ୍ଦ୍ର କୁମାର ନାୟକଙ୍କ ନିର୍ଦ୍ଦେଶକ୍ରମେ ବନପାଳ ସବିତା ରାଉତ ଓ ବନରକ୍ଷୀ ପ୍ରଶାନ୍ତ କୁମାର ବେହେରାଙ୍କ ସମେତ ବନବିଭାଗ ସ୍କାର୍ଡର ସଦସ୍ୟମାନେ ଘଟଣାସ୍ଥଳରେ ପହଞ୍ଚି ଗଭୀର କୂଅରୁ ୮ବର୍ଷର ପୁରୁଷ ପ୍ରଜାତିର ହରିଣଟିକୁ ସୁରକ୍ଷିତ ଉଦ୍ଧାର କରିଥିଲେ। ପ୍ରାଣୀ ଚିକିତ୍ସାଳୟରେ ପ୍ରାଥମିକ ଚିକିତ୍ସା ପରେ ଡିଏଫଓ ଡାକ୍ତର ଯଜ୍ଞଦତ୍ତ ପତିଙ୍କ ପରାମର୍ଶକ୍ରମେ ବନଖଣ୍ଡିସ୍ଥିତ ବନବିଭାଗ ନର୍ସରୀ ମଧ୍ୟରେ ହରିଣଟିକୁ ଖୋଲା ବିଚରଣ ପାଇଁ ଛାଡିଦିଆଯାଇଥିବା ଜଣାପଡିଛି।
Popular Categories
Previous article
Next article